فوتو: ەرلان ومار
قور ەكىنشى دەڭگەيلى بانكتەردىڭ وتىمدىلىگىن ەكونوميكاعا نەسيە بەرۋگە جانە جەكە جانە مەملەكەتتىك قاتىسۋشىلار ءۇشىن قارجىلاندىرۋدىڭ تارتىمدىلىعىن ارتتىرۋ قۇرالى رەتىندە قىزمەت ەتەتىن بولادى.
مەحانيزمنىڭ نەگىزگى ءمانى مىنادا – مەملەكەت ءىرى جوبالاردى نەسيەلەندىرۋگە بايلانىستى قارجىلىق تاۋەكەلدەردىڭ ءبىر بولىگىن وزىنە الادى. بۇل قارجىلاندىرۋعا قول جەتكىزۋ مەن شارتتارىن جاقسارتۋعا مۇمكىندىك بەرەدى, ءوز كەزەگىندە ەكونوميكا ءۇشىن ماڭىزدى باستامالاردى دامىتۋعا ىقپال ەتەدى. حولدينگ جانىنان كەپىلدىك قورى قۇرىلىپ, قۇنى 7 ملرد تەڭگەدەن باستالاتىن جوبالاردى قولداۋعا باعىتتالادى.
«بۇل قور ءىرى جانە ستراتەگيالىق ماڭىزدى جوبالاردى جەتكىلىكتى كەپىلمەن قامتاماسىز ەتۋ ماسەلەسىن شەشۋ ءۇشىن پارمەندى قۇرال بولادى. جوبا باستاماشىسى جوبا قۇنىنىڭ كەمىندە 20%-ى مولشەرىندە ءوزىنىڭ قاتىسۋىن قامتاماسىز ەتۋى ءتيىس. جوبا قۇنىنىڭ قالعان 80%-ى ەكىنشى دەڭگەيلى بانكتەردىڭ جانە قازاقستان دامۋ بانكى نەسيەسى ەسەبىنەن قارجىلاندىرىلادى. بۇل رەتتە, كرەديتورلار ءۇشىن حولدينگتىڭ كەپىلدىگى قارجىلاندىرۋ سوماسىنىڭ 30%-ىنا دەيىن بولادى», دەپ اتاپ ءوتتى رۋستام قاراعويشين.
