بليتستەن ەكى دۇركىن الەم چەمپيونى, راپيدتەن الەم بىرىنشىلىگىنىڭ كۇمىس جۇلدەگەرى جانە ازيا چەمپيونى دەگەن اتاعى بار قازاق قىزى تۋرنير بارىسىندا بىردە-ءبىر رەت جەڭىسكە جەتە المادى. موناكودا ءبيبىسارا توعىز كەزدەسۋدىڭ ۇشەۋىندە ۇتىلىپ, التى رەت تەڭ ءتۇستى. ناتيجەسىندە نەبارى 3 ۇپاي جيعان ول ەڭ سوڭعى 10 ورىندا قالىپ قويدى. بۇل جارىستا الەكساندرا گورياچكينانىڭ باعى جاندى. فيدە-ءنىڭ تۋى استىندا ونەر كورسەتكەن 26 جاستاعى رەسەيءدىڭ وكىلى قاتىسۋشىلار اراسىنان ەڭ كوپ ۇپاي جيىپ, باس جۇلدەنى ولجالادى.
جوعارىداعى ساتسىزدىكتىڭ سالدارىنان اساۋابەۆا باس تۇعىردان تايدى. وسىعان دەيىنگى ەكى كەزەڭىنىڭ قورىتىندىسى بويىنشا ول جارىس كەستەسىندە كوش باستاپ تۇرعان ەدى. قورجىنىندا 197.5 ۇپايى بار ءبيبىسارا ەكىنشى ورىنعا سىرعىپ ءتۇستى. كوش باسىنا الەكساندرا گورياچكينا شىقتى. ورىنبور وبلىسىنىڭ تۋماسى 236.67 ۇپايدى ەنشىلەۋدە. ۇزدىك ۇشتىكتى قىتايلىق تان چجۋني (170 ۇپاي) تۇيىندەپ تۇر. ەندى الەمدىك گران-پري دوداسىنىڭ ءتورتىنشى كەزەڭى 14-25 ناۋرىز ارالىعىندا كيپردە وتەدى.
