تۇرعىن ءۇي سەرتيفيكاتى حالىقتىڭ وسال توپتارىنا, 1 جانە 2 توپتاعى مۇگەدەكتەرگە, مۇمكىندىگى شەكتەۋلى بالالارى بار وتباسىلارعا, جەتىم بالالارعا, كوپ بالالى وتباسىلارعا باسپانا ساتىپ الۋعا مۇمكىندىك بەرەتىن مەملەكەتتىك قولداۋ. ونىمەن يپوتەكانىڭ باستاپقى جارناسىنىڭ ءبىر بولىگىن جابۋعا بولادى. مەملەكەتتىك تۇرعىن ءۇي قۇرىلىسى جانە «ناۋرىز» تۇرعىن ءۇي باعدارلاماسى اياسىندا جۇزەگە اسىرىلادى.
«تۇرعىن ءۇي نەسيەسىنە سەرتيفيكات بەرۋ كوكشەتاۋ قالاسىندا قاڭتار ايىندا باستالدى. بۇگىنگى كۇنى جۇمىستار جۇرگىزىلىپ جاتىر. ءبىرىنشى الۋشىلار وتباسى بانك ارقىلى وزدەرىنىڭ مۇمكىنشىلىگىن تەكسەرەدى, سودان كەيىن ەلەكتروندىق ۇكىمەت ارقىلى بىزگە ءوتىنىش جىبەرەدى. قازىرگى كەزەڭگە 30 سەرتيفيكات بەرۋ جوسپارلانىپ وتىر», دەيدى كوكشەتاۋ قالالىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ باسشىسى قالي احمەتوۆ.
سەرتيفيكات الۋعا ءوتىنىمدى كونكۋرستان وتكەن جانە مەملەكەتتىك باعدارلامالار شەڭبەرىندە كرەديتتىك نەگىزدە تۇرعىن ءۇي الۋعا نيەت بىلدىرگەندەر الا الادى. وتباسىنىڭ جيىنتىق تابىسى ءار ادامعا شاققاندا 143307 تەڭگەدەن اسپاۋى ءتيىس.
