فوتو: Fatua.kz
رەيدتىك ءىس-شارانىڭ العاشقى كۇنى پوليتسيا قىزمەتكەرلەرى جول ەرەجەسىن بۇزۋدىڭ 626 دەرەگىن انىقتاعان. ەرەجە بۇزعانداردىڭ ىشىندە 4 ازامات ماس كۇيىندە كولىك قۇرالىن باسقارعانى بەلگىلى بولىپ وتىر.
«جول ەرەجەلەرىن ساقتاماعان جۇرگىزۋشىلەر از ەمەس. ماسەلەن, قاۋىپسىزدىك بەلدىگىن تاقپاعاندار سانى - 82, مانەۆر جاساۋ ەرەجەلەرىن بۇزعانداردىڭ سانى - 33, سونداي-اق كولىك قۇرالىن باسقارۋ كەزىندە ۇيالى تەلەفوندى پايدالانعانى ءۇشىن 24 جۇرگىزۋشى اكىمشىلىك جاۋاپكەرشىلىككە تارتىلدى», دەيدى جامبىل وبلىستىق پد جپقب باستىعىنىڭ ورىنباسارى ورىنباسار جالدىعاراەۆ.
بۇدان بولەك جولاۋشىلاردى زاڭسىز تاسىمالداۋدىڭ 3, جولاۋشىلاردى, باعاجدى جانە جۇكتى تاسىمالداۋ ەرەجەلەرىن بۇزۋدىڭ 5 دەرەگى انىقتالعان. ۇزىن سانى 30 اۆتوكولىك ايىپ تۇراعىنا قويىلعان.
جامبىل وبلىسى
