تسيفرلىق تەڭگە – ۇلتتىق ۆاليۋتانىڭ جاڭا ساندىق ءتۇرى, ول بلوكچەين تەحنولوگياسى ارقىلى ىسكە اسىرىلادى جانە اقشانى ارنايى ماقساتتا پايدالانۋعا مۇمكىندىك بەرەدى.
پيلوتتىق جوباعا قاتىسۋ ءۇشىن ەكسپورتتاۋشى-كومپانيا بانكتىڭ قاتىسۋىمەن ۇلتتىق بانكتەن ققس تاڭبالانعان تسيفرلىق تەڭگەنى ساتىپ الادى.
تسيفرلىق تەڭگەنىڭ تاڭبالانعان ققس بولىگى تەك بيۋدجەت جانە جەتكىزۋشىلەرمەن ەسەپ ايىرىسۋ تولەمدەرىنە باعىتتالعان, ودان وزگە ماقساتتارعا نەمەسە قولما-قول اقشاعا اينالدىرۋعا مۇمكىندىك بەرمەيدى.
تسيفرلىق تەڭگە ارقىلى جۇرگىزىلگەن بارلىق ترانزاكتسيالار, سونداي-اق جەتكىزۋشىلەر بويىنشا ققس قوزعالىسى مەن بيۋدجەتكە تۇسكەن قاراجات تۋرالى اقپارات ۇلتتىق بانك ارقىلى مەملەكەتتىك كىرىستەر ورگاندارىنا جەتكىزىلەدى.
بۇل جۇيە, مەملەكەتتىك كىرىستەر ورگاندارىنا قىسقا ۋاقىتتا ققس قايتارۋ ءۇشىن, سونىمەن قاتار سالىقتىق تاۋەكەلدەردى بولدىرماۋعا مۇمكىندىك بەرەدى.
تسيفرلىق تەڭگەنى بيزنەستە پايدالانۋدىڭ نەگىزگى ارتىقشىلىقتارى:
-ققس قايتارۋ مەرزىمى 55-75 كۇننەن 15 جۇمىس كۇنگە دەيىن قىسقارادى;
-سالىقتىق تەكسەرۋدى, اكىمشىلىك جانە قارجىلىق جۇكتەمەنى ازايتادى;
-جەدەل جانە كەپىلدى قارجى اينالىمى, بيزنەستىڭ قارجىلىق جوسپارلارىن جاقسارتادى.
پيلوتتىق جوبا اياسىندا, 2024 جىلدىڭ ءتورتىنشى توقسانى بويىنشا سالىقتىق تەكسەرۋلەر مەن تاۋەكەلدەر جۇيەسىن قولدانباستان قاتىسۋشىلارعا 5 كۇن ىشىندە ققس قايتارىلدى.
جوبا ءوز تيىمدىلىگىن كورسەتۋدە, سول سەبەپتى مەملەكەتتىك كىرىستەر كوميتەتى سالىقتىق تۇسىمدەرىنىڭ اشىقتىعىن كۇشەيتۋ ماقساتىندا تسيفرلىق شەشىمدەردى ودان ءارى دامىتۋ باعىتىندا جۇمىسىن جالعاستىرادى.
