فوتو: CNN
بۇگىن ءماجىلىستىڭ جالپى وتىرىسىندا تيكتوكتا بالا زەيىنىنە زياندى كونتەنتتىڭ اسەرىن العا تارتقان «AMANAT» فراكتسياسىنىڭ ءبىر توپ دەپۋتاتى وسى الەۋمەتتىك جەلىنىڭ قىزمەتىن شەكتەۋدى ۇسىندى.
جاناربەك ءاشىمجان, ەلنۇر بەيسەنباەۆ, امانجول ءالتاي, قازىبەك الىشەۆتىڭ ايتۋىنشا, رەسەي, قىرعىزستان, وزبەكستان, تاجىكستان ەلدەرى تيكتوك جەلىسىنە ءىشىنارا نەمەسە تولىق شەكتەۋ قويعان.
ال, فرانتسيا ۇكىمەتى جاسوسپىرىمدەردىڭ ينتەرنەتكە قولجەتىمدىلىگىن زاڭنامالىق دەڭگەيدە رەتتەسە, اۋستراليا 16 جاسقا دەيىنگى بالالارعا قولدانۋدى زاڭمەن شەكتەگەن.
«ەۋروپالىق وداق, كانادا, ۇلىبريتانيا, جاڭا زەلانديادا بالالار قاۋىپسىزدىگىنە قاتىستى الاڭداۋشىلىققا بايلانىستى 2023 جىلى شەشىم قابىلداپ ۇلگەرگەن. كەرەك دەسەڭىز, TikTok-تىڭ اتاسى سانالاتىن قىتايدىڭ وزىندە بۇل پلاتفورما قولجەتىمدى ەمەس. ءبىز دە جەدەلدەتىپ تيكتوك-قا شەكتەۋ قويۋ ماسەلەسىن قاراستىرعانىمىز ءجون. ويتكەنى, تيكتوكتى شامادان تىس قولدانۋدىڭ پسيحولوگيالىق الەۋمەتتىك جانە اكادەميالىق سالدارى, بالانىڭ ساناسى مەن دەنساۋلىعىنا كەرى اسەرى از ەمەس», دەدى جاناربەك ءاشىمجان ۇكىمەت باسشىسىنا جولداعان دەپۋتاتتىق ساۋالىندا.
ماجىلىسمەندەر تيكتوكتاعى سالتىمىزبەن ساناسپايتىن, تەرىس ادەپكە ۇندەيتىن كونتەنتكە شەكتەۋدى كۇشەيتۋدى سۇراپ وتىر. سونداي-اق ۇكىمەتكە ەلىمىزدە تيكتوكتى كامەلەتتىك جاسقا تولماعان بالالاردىڭ پايدالانۋىنا قاتاڭ شەكتەۋ قويۋ نەمەسە مۇلدەم تىيىم سالۋ تەتىكتەرىن قاراستىرۋدى ۇسىندى.
