فوتو: سۋ رەسۋرستارى جانە يرريگاتسيا مينيسترلىگى
سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ سۋ تاسقىنى كەزەڭىنە دايىندىق ماسەلەلەرى بويىنشا وتكىزگەن اپپارات كەڭەسىندە ايتىلعانداي وزەندەردىڭ 128 ۋچاسكەسىندەگى 142 سۋ بەكەتى بويىنشا سۋ تاسقىنىن مودەلدەۋ جۇرگىزىلەدى. «قازسۋشار» فيليالدارى مەن باسسەيندىك ينسپەكتسيالاردىڭ 114 مامانى سۋ بەكەتتەرى بويىنشا دەرەكتەرگە كۇندەلىكتى تالداۋ جاسايدى جانە ونى جۇيەگە ەنگىزەدى.
ۆەدومستۆونىڭ ءباسپاسوز قىزمەتىنىڭ مالىمدەۋىنشە «Tasqyn» جۇيەسى جاھاندىق GloFAS سۋ تاسقىنى جونىندە ەسكەرتۋ جۇيەسىنە بىرىكتىرىلگەن.
«سۋ تاسقىنىنا ەل ىشىندەگى دايىندىقتان بولەك, ءبىز كورشى مەملەكەتتەردەگى ارىپتەستەرىمىزبەن دە تۇراقتى بايلانىستامىز. اقپارات الماسۋ جەدەل جۇرەدى. كوكتەمگى سۋ تاسقىنىن قابىلداۋعا قويمالاردا بوس ورىن دايىنداۋ ءۇشىن سۋ تاستاۋ جۇمىسى جالعاسىپ جاتىر. بۇگىندە ەلىمىزدىڭ سۋ قويمالارى 13 ملرد تەكشە مەتر سۋ قابىلداي الادى», دەدى مينيستر ن.نۇرجىگىتوۆ.
