كاسىپكەر قۇقى قاشاندا قورعالۋعا ءتيىس

باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ كوميتەتى اتىراۋ وبلىسى بويىنشا دەپارتامەنتى ءبولىم باس­شىسىنىڭ مىندەتىن اتقارۋشى قا­سىمحان مىرزاتاەۆتىڭ ايتۋىن­شا, بىرىنشىدەن, تەكسەرۋلەردى قا­لىپتاستىرۋ مەن تىركەۋ مەرزى­مىن ساقتامايدى. ەكىنشىدەن, كاسىپ­كەر­لەردەن قىزمەتتىك اقپاراتتى سۇراتادى. ۇشىنشىدەن, لاۋازىمدى تۇلعالار كاسىپكەرلىك نىسانىنا تەكسەرۋ اكتىسىن بەرمەي كەلەدى.

«مۇنداي دەرەكتەر كاسىپكەرلىك قىزمەتتى ىلگەرى جىلجىتۋعا كەرى اسەرىن تيگىزىپ وتىر. بىلتىر جىل با­سىنان بەرى 1 763 تەكسەرۋ تىركەل­دى. ونىڭ ىشىندە 874 دەرەك جەكە كاسىپكەرلەردى تەكسەرۋگە قاتىستى بولىپ وتىر. كاسىپكەرلەر قۇقىعىن قورعاۋ ماقساتىندا 3 تەكسەرۋگە توسقاۋىل قويىلىپ, 83 تەكسەرۋ كۇشىن جويدى. تىركەۋدەن باس تارتۋ ارقىلى 44 تەكسەرۋدى جۇرگىزۋگە جول بەرىلمەدى. ال قالىپتاستىرۋ كەزىندەگى 50-دەن استام چەك قايتا قاراۋعا جىبەرىلدى. دەپارتامەنتتىڭ قابىلداعان شا­را­لارىنىڭ ناتيجە­سىندە 21 لاۋا­زىمدى تۇلعا تارتىپتىك, 7 ادام اكىم­شىلىك جاۋاپكەرشىلىككە تار­تىل­دى», دەيدى ق.مىرزاتاەۆ.

ونىڭ سوزىنشە, قۇقىعى بۇ­زىل­عان كاسىپكەرلەر «Qamqor» ءمو­بيلدى قوسىمشاسى ارقىلى تەكسەرۋلەر تۋرالى اقپارات الۋىنا بو­لادى. سونداي-اق لاۋازىمدى تۇل­عا­لاردىڭ زاڭسىز ارەكەتىنە قاتىس­تى شاعىم بەرە الادى. ال سىباي­لاس جەمقورلىققا قارسى ءىس-قيمىل اگەنتتىگى اتىراۋ وبلىس­تىق دەپارتامەنتىنىڭ باسشىسى ەرۇلان سەرىكقاليەۆتىڭ ايتۋىنشا, «بيزنەسكە جول» جوباسى باس­تالعاننان بەرى 4,5 مىڭ كاسىپكەردىڭ قۇقىعى قالپىنا كەلتىرىلدى.

«كاسىپكەرلەردىڭ قىزمەتىنە بايلانىستى جالپى سوماسى 1,6 ملرد تەڭگەدەن استام بەرەشەك وتەلدى. انىقتالعان بۇزۋ­شى­لىقتارعا قاتىستى 18 لاۋازىمدى تۇلعا تارتىپتىك جاۋاپ­كەرشىلىككە تارتىلدى. ءبىز كاسىپ­كەرلەرمەن ءجيى كەزدەسۋ وتكىزىپ, اكىمشىلىك كەدەرگىلەر نەمەسە شەنەۋنىكتەر تاراپىنان زاڭسىز ارەكەتتەردى انىقتايمىز», دەدى ە.سەرىكقاليەۆ.

جەكە كاسىپكەر اسەل ەسەنيازو­ۆانىڭ ماحامبەت اۋدانىنداعى بەيبارىس اۋىلىندا بىرنەشە كاسىپ­كەرلىك نىسانى بار. كاسىپ­كەردىڭ شاعىمىنا سۇيەنسەك, بۇر­ناعى جىلدان بەرى ءبىر توپ ادام ونىڭ بيزنەسىنە كەدەرگى كەلتىرىپ ءجۇر. ول وسىعان بايلانىستى ءتيىستى ورگان­دارعا شاعىم تۇسىرگەن.

«بەيبارىس اۋىلىندا مەيرام­حانا, شاعىن ماركەت اشتىم. بالا­لار الاڭى بار. ءبىر توپ ادام ۇنەمى مەنىڭ كاسىبىمنەن كەز كەلگەن بۇزۋ­شىلىقتى ىزدەيدى. تۇتىنۋشى اتىن جامىلىپ, جا­رام­دىلىق مەرزىمىن, تاۋاردىڭ باعاسىن, نىساندار ورنالاسقان اۋماقتا تەمەكى تۇقىلىنىڭ بار-جوعىن تەكسەرگەن بولادى. زاڭ بۇزۋشىلىق بولسا, پوليتسيا شاقىرىپ, ماعان ايىپپۇل سالدىرۋعا ماجبۇرلەيدى. ولار الەۋمەتتىك جەلىدە مەنىڭ اتى-جونىمە, بيزنەسىمە بايلانىس­تى تەرىس پىكىر جاريالاپ وتىر. ناتيجەسىندە, ولارمەن سوتتاسۋمەن كەلەمىن. جاقىندا سوت مەنى قۇپتاپ شەشىم شىعاردى. الايدا الگى توپتاعى ادامداردىڭ شابۋىلى مۇنىمەن توقتاماي تۇر. ولار جاقىندا مەيرامحاناعا, شاعىن ماركەتكە كەلىپ, مەنى ايىپتاۋ ءۇشىن تاعى دا سەبەپ ىزدەدى. مەن ەندى قالاي جۇمىس ىستەۋىم كەرەك؟ ءوزىمدى جانە بيزنەسىمدى قالاي قورعايمىن؟» دەيدى ءا.ەسەنيازوۆا.

كاسىپكەرلەر قۇقىعىن قورعاۋ جونىندەگى ۋاكىلدىڭ اتىراۋ وبلىسى بويىنشا دەپارتامەنتىنىڭ سەكتور مەڭگەرۋشىسى, وڭىرلىك كاسىپكەرلەر پالاتاسى ديرەكتورىنىڭ ورىنباسارى سارسەنباي جولدىباەۆتىڭ پىكىرىنشە, جەكە كاسىپ يەلەرىنىڭ قۇقىعىن قورعاۋ الگوريتمى بەكىتىل­گەن. سوعان سايكەس بىلتىر انتيكور قىزمەتكەرلەرىمەن بىرگە بيزنەستىڭ 121,684 ملن تەڭگەگە م ۇلىكتىك قۇقىعى قورعالعان.

«وڭىردە كاسىپكەر جۇمىسىنا كەدەرگى كەلتىرۋ ءۇشىن قورقىتۋ دەرەگى ءبىرىنشى رەت تىركەلىپ وتىر­عان جوق. شاعىن جانە ورتا بيزنەس وكىلدەرىن قورقىتۋ ءۇشىن ءتۇرلى ساناتتاعى توپ وكىلدەرىن تارتۋعا تىرىساتىندار بار. وسى ورايدا پوليتسەيلەردىڭ ايىپپۇل سالۋ ارەكەتى زاڭدى ما؟ بۇل ماسەلە ءالى دە اشىق كۇيىندە قالىپ وتىر», دەيدى س.جولدىباەۆ.

جەرگىلىكتى پوليتسيا قىز­مەتىنىڭ باسشىسى ەرلان بيعامباەۆتىڭ پىكىرىنشە, پوليتسيا قىز­­­مەت­كەرلەرى وزدىگىنەن كاسىپ­كەر­لەردىڭ قۇقىعىن بۇزۋ ارەكەتىنە بارمايدى.

«شاقىرتۋعا بارعان پوليتسەيلەر الدىمەن ماسەلەنىڭ انىق-قانىعىن تەكسەرىپ, زەردەلەۋگە تىرىسادى. ويتكەنى ءتارتىپ ساقشىلارى كاسىپكەرلىك نىسان­داردىڭ يەلەرى شاعىم تۇسىرۋگە قۇقىلى ەكەنىن بىلەدى. سون­دىقتان ولاردىڭ تاراپىنان كاسىپ­كەر­لەردىڭ قىزمەتىنە كەدەرگى كەلتىرەدى دەي المايمىن», دەپ مالىمدەدى ە.بيعامباەۆ.

اتىراۋ وبلىسى