كەزدەسۋگە قحر الماتىداعى باس كونسۋلى تسزيان ۆەي, عىلىم جانە ءبىلىم جونىندەگى كونسۋل چجان ۆەي, عىلىمي زەرتتەۋ ورتالىقتارىنىڭ جەتەكشىلەرى, عالىمدار قاتىستى.
ەكى ەل عالىمدارى چجەتسزيان تەحنولوگيالىق ۋنيۆەرسيتەتى, قحر جوعارى تەحنولوگيالىق كومپانيالار توبىمەن بىرلەسىپ اشىلعان «قازاقستان-قىتاي عىلىم جانە تەحنولوگيانى ترانسفەرلەۋ ورتالىعىنىڭ» جۇمىسىمەن تانىسىپ, اۋىل شارۋاشىلىعى ونىمدەرىنىڭ ونىمدىلىگىن ارتتىرۋ, سۋدى ۇنەمدەۋ تەحنولوگيالارىن دامىتۋعا بايلانىستى جوبالاردى تالقىلادى.
تاراپتار مۇنىمەن قوسا چجەتسزيان تەحنولوگيالىق ۋنيۆەرسيتەتىمەن كەلىسىمگە وراي اشىلاتىن «كەڭىستىكتىك-ۋاقىتتىق جاساندى ينتەللەكت جانە تۇراقتى دامۋ جونىندەگى حالىقارالىق بىرلەسكەن زەرتحانانىڭ» جوباسىمەن تانىسىپ, جاساندى ينتەللەكت جانە گەواقپاراتتىق جۇيەلەر تەحنولوگيالارىن قولدانۋ ارقىلى سۋ رەسۋرستارىن مونيتورينگ جاساۋ, تابيعات اپاتتارىنىڭ الدىن الۋ, اۋىل شارۋاشىلىعىن تسيفرلاندىرۋ جانە «اقىلدى ەگىنشىلىك» تەحنولوگيالارىن ەنگىزۋدىڭ وزەكتىلىگىن اتاپ ءوتتى.
حان چۋنلين مىرزا قىتاي اگرارلىق ۋنيۆەرسيتەتى مەن «Dayu Irrigation Group» كومپانياسىمەن بىرلەسىپ قۇرىلعان «قۇرعاق ايماقتاردا سۋدى ءتيىمدى پايدالانۋ بويىنشا قازاقستان-قىتاي حالىقارالىق زەرتحاناسىنىڭ», لانجوۋ ۋنيۆەرسيتەتىمەن بىرلەسىپ اشىلعان «اقىلدى اۋىل شارۋاشىلىعى ورتالىعىنىڭ» جۇمىستارىمەن دە تانىستى.
قازاقستان عالىمدارى كەيىنگى ەكى جىلدىڭ ىشىندە قىتايدىڭ عالىمدارى جانە كومپانيالارىمەن بىرلەسىپ, بىرنەشە ورتالىق, زەرتحانا اشتى. سونىڭ ءبىرى – قىتاي اۋىلشارۋاشىلىق ۋنيۆەرسيتەتى جانە «Eavision» كومپانياسىمەن بىرلەسكەن قازاقستان-قىتاي اۋىلشارۋاشىلىق دروندارىن باسقارۋ بويىنشا زەرتتەۋلەر مەن وقىتۋ ورتالىعى.
ۇعا پرەزيدەنتى ا.كۇرىشباەۆ بۇل باستامالاردىڭ بولاشاقتا اگروسالانى دامىتىپ, سۋ رەسۋرستارىن باسقارۋ جانە بىرلەسكەن عىلىمي زەرتتەۋلەر جۇرگىزۋگە, جاڭا تەحنولوگيالار ترانسفەرتىن جۇزەگە اسىرۋعا, باسەكەگە قابىلەتتى مامانداردى بىرلەسە دايارلاۋعا مۇمكىندىك بەرەتىنىن اتاپ ءوتتى.
ءوز كەزەگىندە قحر ەلشىسى حان چۋنلين مىرزا ەكى ەل اراسىنداعى ىنتىماقتاستىقتى دامىتۋداعى وڭ نىشاندارعا توقتالىپ, عىلىم-ءبىلىم بەرۋ ورتالىقتارى اراسىنداعى بايلانىستاردى تەرەڭدەتۋ, قىتاي تەحنولوگياسىن قازاقستانعا ەنگىزۋ ارقىلى اۋىل, سۋ شارۋاشىلىعىن دامىتۋ, ەكولوگيالىق تازا ءونىم الۋعا قاتىستى جوبالاردىڭ ىسكە اساتىندىعىنا سەنىم ءبىلدىردى.
كەزدەسۋ بارىسىندا چجەتسزيان تەحنولوگيالىق ۋنيۆەرسيتەتىمەن جاساندى ينتەللەكت سالاسىنداعى كادرلاردى دايارلاۋ جونىندەگى حالىقارالىق ينستيتۋتىن اشۋ ماسەلەسى تالقىلاندى.
الماتى
