فوتو: egemen.kz/ ەرلان ومار
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, ونىڭ ىشىندە كوپ بالالى وتباسىلارعا - 43 ملرد تەڭگە, ناگرادتالعان انالارعا 6,5 ملرد ۇلەستىرىلگەن.
كوپبالالى وتباسىعا بەرىلەتىن مەملەكەتتىك جاردەماقىعا 4 جانە ودان دا كوپ بىرگە تۇراتىن كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار وتباسىلار تابىسىنا قاراماستان ۇمىتكەر بولا الادى.
تولەم مولشەرى بالا سانىنا قاراي ەسەپتەلىپ تولەنەدى. بۇل سوما 2025 جىلى مىنا مولشەردە بەكىتىلگەن:
- 4 بالاسى بار وتباسىلارعا – 16,03 اەك نەمەسە 63 030 تەڭگە;
- 5 بالاعا – 20,04 اەك نەمەسە 78 798 تەڭگە;
- 6 بالاعا – 24,05 اەك نەمەسە 94 565 تەڭگە;
- 7 بالاعا – 28,06 اەك نەمەسە 110 332 تەڭگە;
- 8 جانە ودان دا كوپ بالاسى بار وتباسىلارعا – ءار بالاعا 4 اەك نەمەسە 15 728 تەڭگە مولشەرىندە تولەندى.
ناگرادتالعان اناعا بەرىلەتىن جاردەماقى «التىن القا», «كۇمىس القا» القالارىمەن ناگرادتالعان نەمەسە بۇرىن «باتىر انا» اتاعىن العان, ءى جانە ءىى دارەجەلى «انا داڭقى» وردەندەرىمەن ناگرادتالعان انالارعا تاعايىندالادى.
ناگرادتالعان اناعا بەرىلەتىن جاردەماقى اي سايىن مىنا مولشەردە تولەنەدى:
- «كۇمىس القا» القاسىمەن ناگرادتالعان انالارعا – 6,40 اەك نەمەسە 25 165 تەڭگە;
- «التىن القا» القاسىمەن ناگرادتالعان نەمەسە بۇرىن «باتىر انا» اتاعىن العان, ءى جانە ءىى دارەجەلى «انا داڭقى» وردەندەرىمەن ناگرادتالعان انالارعا – 7,40 اەك نەمەسە 29 097 تەڭگە.
2025 جىلعى 1 قاڭتاردان باستاپ كوپ بالالى وتباسىلارعا تاعايىندالاتىن مەملەكەتتىك جاردەماقىلاردىڭ مولشەرى 6,5%-عا ارتقان.
