فوتو: otyrar.kz سايتىنان
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, بالا تۋعاندا بەرىلەتىن جاردەماقىنى 2025 جىلدىڭ قاڭتار ايىندا رەسپۋبليكالىق بيۋدجەتتەن بارلىعى 6 ملرد تەڭگە سوماعا 33,7 مىڭ ادام العان.
ايتا كەتەيىك, بۇل جاردەماقىعا بالا تۋعان, اسىراپ العان, سونداي-اق قامقورلىققا العان بالالارى بار ەلىمىزدىڭ ازاماتتارى, قانداستار, سونداي-اق قازاقستاندا تۇراقتى تۇراتىن شەتەلدىكتەر ۇمىتكەر بولا الادى.
«بالاعا كۇتىم جاسايتىن ادام مىندەتتى الەۋمەتتىك ساقتاندىرۋ جۇيەسىنە قاتىسۋشى بولىپ تابىلماعان جاعدايدا تۋعان, اسىراپ العان, سونداي-اق قورعانشىلىققا العان بالالارى بار, ەگەر ولار باسقا اتا-انانىڭ وتباسىندا ەكەنى ەسكەرىلمەسە, وگەي بالالارى بار ادامداردىڭ (وتباسىلاردىڭ) بالا كۇتىمىنە بايلانىستى جاردەماقى الۋعا قۇقىعى بار. ەسەپتى كەزەڭدە 1,5 جاسقا تولعانعا دەيىن بالا كۇتىمى بويىنشا جاردەماقىنى 3,6 ملرد تەڭگە سوماسىنا 123 مىڭ ادام الدى», دەلىنگەن حابارلامادا.
بالا تۋىنا جانە بالا كۇتىمىنە ارنالعان مەملەكەتتىك جاردەماقىلاردىڭ مولشەرى رەسپۋبليكالىق بيۋدجەت تۋرالى زاڭمەن ءتيىستى قارجى جىلىنا بەكىتىلگەن ايلىق ەسەپتىك كورسەتكىشكە (بۇدان ءارى – اەك) بايلانىستى بەلگىلەنەدى. 2025 جىلدىڭ باسىنان باستاپ مەملەكەتتىك جاردەماقىلاردىڭ مولشەرى 6,5%-عا يندەكستەلگەن.
بالا تۋىنا ارنالعان جاردەماقى مولشەرى:
- ءبىرىنشى, ەكىنشى, ءۇشىنشى بالاعا – 38 اەك نەمەسە 149 416 تەڭگە;
- ءتورتىنشى جانە ودان كەيىنگى بالالارعا – 63 اەك نەمەسە 247 716 تەڭگە.
بالا 1,5 جاسقا تولعانعا دەيىن ونىڭ كۇتىمىنە بايلانىستى تولەنەتىن جاردەماقى اي سايىن كەلەسىدەي مولشەردە تولەنەدى:
- ءبىرىنشى بالاعا – 5,76 اەك نەمەسە 22 648 تەڭگە;
- ەكىنشى بالاعا – 6,81 اەك نەمەسە 26 777 تەڭگە;
- ءۇشىنشى بالاعا – 7,85 اەك نەمەسە 30 866 تەڭگە;
- ءتورتىنشى جانە ودان كەيىنگى بالالارعا – 8,90 اەك نەمەسە 34 995 تەڭگە.
سونىمەن قاتار جۇمىس ىستەيتىن ازاماتتارعا جۇكتىلىككە جانە بوسانۋعا, جاڭا تۋعان بالانى (بالالاردى) اسىراپ الۋعا بايلانىستى كىرىسىنەن ايىرىلعان جاعدايدا ماسق-تان تولەنەتىن الەۋمەتتىك تولەم جۇكتىلىگى جانە بوسانۋى بويىنشا بەرىلگەن دەمالىستىڭ بارلىق كۇندەرىنە تاعايىندالادى. تولەم مولشەرى جۇكتىلىگى جانە بوسانۋى بويىنشا ۋاقىتشا ەڭبەككە جارامسىزدىق پاراعى بەرىلگەنگە دەيىنگى سوڭعى 12 اي ىشىندە ماسق-عا الەۋمەتتىك اۋدارىمدار جۇرگىزىلگەن ورتاشا ايلىق كىرىسكە جانە ەڭبەككە جارامسىزدىق كۇندەرىنىڭ سانىنا بايلانىستى بولادى.
اتالعان بىرجولعى تولەمدى جىل باسىنان بەرى جالپى سوماسى 33,3 ملرد تەڭگەگە 23,6 مىڭ ادام العان. بۇل 2024 جىلدىڭ سايكەس كەزەڭىمەن سالىستىرعاندا 4%-عا ارتىق. تاعايىندالعان تولەمنىڭ ورتاشا مولشەرى 1 714 618 تەڭگەنى قۇراعان.
«سونداي-اق ماسق-دان بالا ءبىر جارىم جاسقا تولعانعا دەيىن ونىڭ كۇتىمىنە بايلانىستى كىرىسىنەن ايىرىلۋ جاعدايى بويىنشا اي سايىنعى الەۋمەتتىك تولەم الەۋمەتتىك ساقتاندىرۋ جۇيەسىنە قاتىسۋشىعا بالانىڭ تۋعان كۇنىنەن باستاپ تاعايىندالادى. تولەمنىڭ مولشەرى سوڭعى 2 جىلدا ماسق-عا الەۋمەتتىك اۋدارىمدار جۇرگىزىلگەن ورتاشا ايلىق كىرىستىڭ 40%-ن قۇرايدى. ەكى جانە ودان دا كوپ بالا تۋعان جاعدايدا تولەم ءار بالاعا جەكە تاعايىندالادى. 2025 جىلى بۇل تولەم 24,2 مىڭ ادامعا تاعايىندالدى, اي سايىنعى تولەمنىڭ ورتاشا مولشەرى 93 740 تەڭگەنى قۇرادى. تولەم 37,2 ملرد تەڭگە سوماسىندا بەرىلدى, بۇل 2024 جىلدىڭ سايكەس كەزەڭىمەن سالىستىرعاندا 21%-عا ارتىق», دەلىنگەن حابارلامادا.
