جادىگەر يەسى سالي ورازباي ۇلى 1948 جىلى الشىن مەڭدالى ۇلى قۇرعان كولحوزارالىق قۇدىقشىلار بريگاداسىنا جۇمىسقا الىنعان. 1949 جىلدان باستاپ سول بريگادانىڭ بريگاديرى بولعان. بريگاداسىمەن قىرعا شىققان, شارۋا باققان ەلدىڭ الدىمەن ءجۇرىپ وتىرىپ, ەسكى قۇدىقتاردى تاۋىپ, ارشىپ, وڭداپ, كەي جەرلەردە جاڭادان قازعان. ءتىپتى ول سوعىستان كەيىنگى سام قۇمىن يگەرۋشىلەر قاتارىندا بولىپ, سول توڭىرەكتەگى قۇدىقتاردى, ارىسى تەرىستىك ۇستىرتكە شىعىپ, اششى, تۇششى ايرىقتارعا, اياققۇم, شالقار جەرلەرىنە دەيىن, ارال تەڭىزىنىڭ باتىس بەتىنە دەيىن, قاراقۇم, سارعاسقا-تايلان جەرلەرىنە دەيىن بارىپ, قۇدىق وڭداپ, ارشىپ, ءونىمدى قىزمەت ەتكەن.
كەيىن قۇدىقشىلار بريگاداسى گۋرەۆتەگى وبلىستىق سۋلاندىرۋ مەكەمەسىنە قوسىلعان. جوعارى نەمەسە ارناۋلى ورتا ءبىلىمى بولماسا دا, سالي ورازباي ۇلىنىڭ ۇزاق جىلعى جۇمىس تاجىريبەسى ەسكەرىلىپ, جاسى ۇلعايعاندا قاۋىپسىزدىك تەحنيكاسى جونىندەگى ينجەنەر بولىپ جۇمىس ىستەپ, 1982 جىلى زەينەتكەرلىككە شىققان.
