اتالعان جادىگەر 1926 جىلى جەتىسۋ جەرىنەن ساتىپ الىنىپ, ميسسيس ت.كاللين ەسىمدى ازاماتتىڭ كومەگىمەن مۋزەيگە تاپسىرىلعان. ماتادان (ماقتادان) تىگىلىپ, كيىزبەن ايشىقتالعان, التىن-كۇمىستەن اشەكەي سالىنىپ, ءىنجۋ-مارجاندارمەن كومكەرىلگەن بۇل باسكيىم قاي ەلدىڭ كورمەسىندە تۇرسا دا, ساۋلەتىن اسىراتىنىنا تالاس جوق.
جادىگەردىڭ تۇسىندىرمەسىندە «قىرعىز بەن قازاق قىزدارى ۇيلەنۋ تويى كۇنى نەمەسە نەكەنىڭ العاشقى جىلى تۇڭعىشى دۇنيەگە كەلگەنگە دەيىن ماڭىزدى مەرەكەلەردە ساۋكەلە دەپ اتالاتىن ءساندى باسكيىم كيىپ جۇرەتىن بولعان. جىبەكپەن قاپتالعان كونۋستىق قۇرىلىم التىن جالاتىلعان ەلەمەنتتەرمەن, ءىنجۋ-مارجاندارمەن, مونشاقتارمەن, امۋلەتيكالىق مارجان جىپتەرىمەن, كۇمىس تۇيىرشىكتەرمەن بەزەندىرىلگەن. كەستەلەنگەن پانەل قالىڭدىقتىڭ ورىلگەن شاشتارىن جاسىرىپ تۇرۋعا ارنالعان» دەلىنگەن.
