«قالاداعى جامبىل كوشەسى, 170ا مەكەنجايىندا ىرگەتاسى قالانعان زاماناۋي وقۋشىلار ءۇيى 1951 جىلى سالىنعان ەسكى عيماراتتىڭ ورنىندا بوي كوتەردى. وقۋشىلاردىڭ جاڭا ءۇيى كۇن سايىن 400 بالاعا دەيىن 2,5 ەسە كوپ ءبىلىم بەرۋگە مۇمكىندىك بەرەدى. ورتالىقتا قاۋىپسىزدىكتىڭ, قولجەتىمدىلىكتىڭ جانە جاراقتاندىرۋدىڭ بارلىق ستاندارتتارىن ەسكەرە وتىرىپ, قولايلى جاعدايلار جاسالادى. روبوتوتەحنيكا, ءىت, حورەوگرافيا, سۋرەت سالۋ, ويىن الاڭدارى, امفيتەاتر جانە باسسەين ستۋديالارى اشىلادى. وقۋشىلار سارايىن اشۋ 2025 جىلدىڭ ناۋرىز ايىنا جوسپارلانعان», دەدى الماتى اكىمى.
سونىمەن قاتار, ەربولات دوساەۆتىڭ تاپسىرماسى بويىنشا, ماۋلەنوۆ كوشەسىندەگى جەكە مەنشىك بالاباقشا عيماراتى مەملەكەت مەنشىگىنە قايتارىلدى. عيماراتتىڭ سەيسميكالىق قاۋىپسىزدىگى كۇشەيتىلىپ, ونىڭ بازاسىندا 100 ورىندىق جاڭا بالاباقشا اشىلادى. جۇمىستار وسى جىلدىڭ ماۋسىم ايىندا باستالىپ, اشىلۋى 2026 جىلدىڭ سوڭىنا جوسپارلانعان.
ەسكى, توزىعى جەتكەن عيماراتتىڭ ورنىنا تاستاق ش/ا-دا تاعى 240 ورىندىق جاڭا بالاباقشا سالىنادى.
