فوتو: olympic.kz
باقتيار ارتاەۆتىڭ ايتۋىنشا, «تارلان» بوكس كەشەنىن مەملەكەتتىڭ بالانسىنا الۋ جوسپارلانعان. ەگەر وسى جۇمىس ويداعىداي اياقتالسا, بوكستان وليمپيادا ويىندارىنىڭ جۇلدەگەرى قامشىبەك قوڭقاباەۆ جۇمىسقا قابىلدانادى.
«بوكس كەشەنىن مەملەكەتتىڭ بالانسىنا الساق, سىر ءوڭىرىنىڭ ماقتانىشى قامشىبەك قوڭقاباەۆتى جۇمىسقا قابىلدايمىز. سونىمەن قاتار, تۇرسىنباي قۇلاحمەت سەكىلدى جاس مامانداردى دا شاكىرت تاربيەلەۋ جۇمىسىنا تارتىپ جاتىرمىز. وڭىردە بوكستى دامىتۋعا بارىنشا كوڭىل ءبولىنىپ كەلەدى. وزدەرىڭىزگە بەلگىلى, جۋىردا 81 كەلى سالماق دارەجەسىندە ازامات بەكتاس ەل چەمپيونى اتاندى. وسىنداي چەمپيونداردى دايىنداۋ جۇمىستارىن ودان ءارى جانداندىرامىز », دەدى باقتيار ارتاەۆ.
ەستەرىڭىزگە سالا كەتەيىك, جىل باسىندا بوكسشى قامشىبەك قوڭقاباەۆتىڭ سپورتتاعى مانسابىن اياقتاعانى ايتىلعان ەدى. 91 كەلىدەن جوعارى سالماقتا جۇدىرىقتاسقان ول وليمپيادادان بولەك, ەكى رەت الەم چەمپيوناتىنىڭ (2017, 2019), ءۇش رەت ازيا چەمپيوناتىنىڭ كۇمىس جۇلدەگەرى (2017, 2019, 2021) اتاندى.
