بۇل قوسىمشا اعىلشىن تىلىندەگى «English Plus 5» وقۋلىعىنا ەنگىزىلگەن سوزدەردى اۋدارعاندا, ولاردىڭ گولوگرافيالىق سۋرەتىن بىرگە كورسەتەدى. سونداي-اق ونىڭ قالاي ايتىلاتىنىن اۋديو ارقىلى ناقىشتاپ بەرەدى. ءسويتىپ, سوزدەر تارجىمەلەنگەندە ونىڭ نە ەكەنى جانە قالاي ايتىلۋى دا بىرگە كورسەتىلىپ, ونى ەستە ساقتاپ قالۋ مۇمكىندىگىن ارتتىرادى. «بۇل ءادىس اعىلشىن ءتىلىن ۇيرەنۋشىلەردىڭ قىزىعۋشىلىعىن تۋعىزدى. مىسالى, كوپتەگەن ادام اۋدارىلعان سوزدەردى ۇمىتىپ قالادى. ال بۇل سۋرەت ارقىلى جانە اعىلشىنشا تازا ايتىلۋى جاعىنان ەستە قالادى», دەيدى قازىلار القاسىنىڭ مۇشەلەرى.
بۇل ءادىستى قالاي ويلاپ تاپتىڭ دەگەن سۇراققا وقۋشىنىڭ ءوزى بىلاي جاۋاپ بەردى: «بىردە ساباق ۇستىندە اعىلشىن ءتىلىنىڭ مۇعالىمى ناتاليا الەكساندروۆنا وقۋشىلارعا 3D گولوگراممالىق سۋرەتتەردى كورسەتتى. سول كەزدە ماعان وسى ءادىستى اعىلشىن سوزدەرىنە دە قولدانۋعا بولادى ەكەن-اۋ دەگەن يدەيا كەلدى. سوندا ۇيرەنۋشىلەر سوزدەردى ەستىڭ جادىمەن عانا ەمەس, كوزبەن دە ەسكە ۇستاپ قالادى دەپ ويلادىم. ءسويتىپ, بەسىنشى سىنىپتان باستاپ, ونى ءوزىمىزدىڭ ينفورماتيك اعايدىڭ جەتەكشىلىگىمەن جاساۋعا كىرىستىم», دەيدى ول.
قازىر ۆەرونيكانىڭ ءادىسىن قولدانۋشىلار كوبەيىپ كەلە جاتقان كورىنەدى. بۇل قوسىمشانى اۆتور ۇستازىمەن بىرگە ءۇش جىل بويى ازىرلەگەن. اۆتورلار ءالى دە ونى جەتىلدىرە ءتۇسۋدى كوزدەيدى. ونى «Play Market»-تەن كود ارقىلى جۇكتەپ الۋعا بولادى.
سولتۇستىك قازاقستان وبلىسى
