«قىس» وقۋ-جاتتىعۋى ەكى جىلدا ءبىر رەت وتكىزىلەدى. ءىس-شارالار جوسپارلاۋ جانە دايىندىق, بىرلەسكەن جاتتىعۋلار, سونداي-اق پراكتيكالىق ءىس-شارالار سەكىلدى ءۇش كەزەڭگە بولىنگەن.
وقۋ-جاتتىعۋ بارىسىندا «اقبابا» پوليگونىندا قىسقى كەزەڭدە ءومىر ءسۇرۋ ءۇشىن كوماندالىق جوسپارلاۋ جانە شارالار قابىلداۋ ماسەلەلەرى پىسىقتالۋدا. بىرلەسكەن دايىندىق توتەنشە جاعدايلاردا اكىمشىلىك جانە لوگيستيكالىق پروتسەستەردى رەتتەۋگە مۇمكىندىك بەرەدى.
ءىس-شاراعا ازەربايجان, بانگلادەش, بوسنيا جانە گەرتسەگوۆينا, گرۋزيا, ەگيپەت, يتاليا, موڭعوليا, پاكىستان, اقش جانە ت. ب. ەلدەردىڭ اسكەري قىزمەتشىلەر قاتىسادى.
كورپۋس پەن بريگادانىڭ باسقارۋ پۋنكتەرىندە شەشىمدەر قابىلداۋعا قازاقستان قارۋلى كۇشتەرىنىڭ قۇرلىق اسكەرلەرىنەن جەدەل توپ تارتىلدى.
بىرلەسكەن جۇمىس باسقارۋ ورگاندارىنىڭ ۇيلەسىمدىلىگىن ارتتىرۋعا, قارلى ءارى سۋىق كەزەڭدە بولىمشەلەردىڭ جاۋىنگەرلىك قابىلەتىن, قوزعالىس قارقىنىن ساقتاۋ ءۇشىن الدىن الۋ شارالارىن قابىلداۋ قابىلەتىن دامىتۋعا باعىتتالعان.
