فوتو: sud.gov.kz/kaz/tag
تالاپ قويۋشىنىڭ قىزى اۋىر سىرقاتىنا بايلانىستى مەملەكەتتىك تۇرعىن ءۇي قورىنان تۇرعىن ءۇي الۋ كەزەگىندە 1993 جىلدان بەرى, ال ۇلى 2017 جىلدان بەرى كەزەكتە تۇرعان. 2019 جىلى سەمەي قالاسىنىڭ اكىمدىگى جانىنداعى تۇرعىن ءۇي كوميسسياسى ونىڭ قىزى مەن اناسىنا ەكى بولمەلى پاتەر بەرگەن. تالاپ قويۋشى ايەلىمەن اجىراسقاندىقتان, ول ولاردىڭ وتباسىنا قوسىلماعان جانە سايكەسىنشە تۇرعىن ءۇي الماعان.
2018 جىلى اجىراسقاننان كەيىن ءىى توپ مۇگەدەگى تالاپ قويۋشى «حالىقتىڭ الەۋمەتتىك وسال توپتارى» ساناتى بويىنشا مەملەكەتتىك تۇرعىن ءۇي قورىنان تۇرعىن ءۇي الۋ ءۇشىن بولەك كەزەككە تۇرعان.
قازىرگى ۋاقىتتا ونىڭ ۇلىنا ايەلى مەن ەكى بالاسىمەن بىرگە اپاتتى عيماراتتى بوساتۋ شارتىمەن مەملەكەتتىك تۇرعىن ءۇي قورىنان باسپانا الۋ كەزەگى كەلگەن.
الايدا, وسى ءۇيدىڭ يەسى بولىپ سانالاتىن تالاپ قويۋشى دا باسقا باسپانامەن قامتاماسىز ەتىلمەگەندىكتەن جانە ول ۇلىنىڭ وتباسىنا كىرمەيتىندىكتەن, ودان شىعۋدان باس تارتقان.
وسىعان بايلانىستى تالاپ قويۋشى دەنساۋلىق جانە وتباسىلىق جاعدايىنا بايلانىستى ۇلىمەن بىرگە تۇرا المايتىندىعىنا بايلانىستى اكىمدىكتەن تۇرعىن ءۇي بەرۋدى تالاپ ەتىپ سوتقا جۇگىنگەن.
سوت جالعىز باسپاناسى قاۋىپتى دەپ تانىلعان ازاماتتاردىڭ كەزەكتىلىك تارتىبىمەن جاڭا تۇرعىن ءۇي الۋعا قۇقىعى بار ەكەنىن اتاپ ءوتتى. الايدا, تالاپ قويۋشى وسىنداي تۇرعىن ءۇيدىڭ يەسى بولىپ سانالاتىنىنا قاراماستان «اپاتتىق تۇرعىن ءۇي» ساناتى بويىنشا كەزەككە قويىلماعان.
«الەۋمەتتىك جاعىنان وسال توپتار» ساناتىنداعى كەزەگى ءالى كەلمەگەندىكتەن, ونى ۋاقىتشا باسپانامەن قامتاماسىز ەتپەي شىعارۋعا بولمايدى. سونىمەن قاتار, وعان ۇسىنىلعان نۇسقالار ونىڭ دەنساۋلىق جاعدايى بويىنشا تالابىنا ساي كەلمەيدى.
سوت جوعارىدا كورسەتىلگەن ءمان-جايلاردى ەسكەرە وتىرىپ, مەملەكەتتىك ورگانعا تالاپ قويۋشىعا ۋاقىتشا تۇرعىن ءۇي بەرۋدى مىندەتتەدى.
