جاڭا شىعارىلىمعا ونەركاسىپ جانە قۇرىلىس ءمينيسترى قانات شارلاپاەۆ, كاسىپكەر, وڭدەۋ ونەركاسىبى وداعىنىڭ باسقارما توراعاسى مارات باققۇلوۆ جانە ەكونوميست ايدارحان قۇسايىنوۆ قاتىسىپ, سالاعا قاتىستى تۇيتكىلدەردى تالقىلادى.
ماۋلەن اشىمباەۆ اتاپ وتكەندەي, وڭدەۋ ونەركاسىبىن دامىتۋ ەلىمىزدە وزەكتى ماسەلەلەردى وڭتايلى شەشۋگە جول اشادى. سونداي-اق ول كەيىنگى جىلداردا بۇل سالادا بەلگىلى ءبىر جەتىستىكتەرگە قول جەتكىزىلگەنىن تىلگە تيەك ەتتى. سونىڭ ناتيجەسىندە وڭدەۋ ونەركاسىبىندەگى ءوندىرىس كولەمى 5 جىلدا 2 ەسەدەن اسا ءوسىپ, 5,9 پايىزدى قۇرادى. سەنات توراعاسىنىڭ ايتۋىنشا, مۇنداي ءۇردىس ەكونوميكانىڭ ارتاراپتانعانىن جانە شيكىزات سەكتورىنا تاۋەلدىلىكتىڭ تومەندەگەنىن كورسەتەدى. دەگەنمەن ءالى دە جەتىلدىرۋدى قاجەت ەتەتىن وزەكتى ماسەلەلەر بار.
«مەملەكەت باسشىسى قاسىم-جومارت توقاەۆ جاڭا ەكونوميكالىق ساياسات اياسىندا ەلىمىزدىڭ بەرىك ونەركاسىبىن قالىپتاستىرۋ مىندەتىن جۇكتەدى. وڭدەۋ ونەركاسىبى سونىڭ نەگىزى بولماق. اتالعان سەكتور بۇل سالاداعى كەلەشەگى زور باعىتتاردىڭ ءبىرى ەكەنى ءسوزسىز. وڭدەۋشى ونەركاسىپتى دامىتپاي ەكونوميكانىڭ ساپالى ءوسۋىن, ونى ءارتاراپتاندىرۋدى, ەكونوميكالىق جانە ازىق-ت ۇلىك قاۋىپسىزدىگىن, حالىق تابىسىنىڭ ارتۋىن, سالىق بازاسىنىڭ ۇلعايۋىن قامتاماسىز ەتۋ وتە قيىن. ەگەر وڭدەۋ ونەركاسىبىنىڭ قۇرىلىمىن تالدايتىن بولساق, وندا جالپى كولەمنىڭ 40 پايىزىن مەتاللۋرگيا الادى. سوندىقتان قوسىلعان قۇنى جوعارى ءونىم شىعاراتىن سالانىڭ وزىق سەكتورلارىن دامىتۋدىڭ ماڭىزى زور», دەدى سەنات توراعاسى.
ساراپشىلار Taldau Talks پودكاستىندا وڭدەۋ سالاسىنىڭ جاعدايى مەن بەلەڭ العان ۇردىستەردى تالقىلادى. اتاپ ايتقاندا, قارجىلاندىرۋعا قول جەتكىزۋ, وتاندىق ءونىمنىڭ يمپورتى مەن باسەكەگە قابىلەتتىلىگى, كاسىپورىنداردى قولجەتىمدى شيكىزاتپەن قامتاماسىز ەتۋ, سونداي-اق ىشكى نارىقتى قورعاۋ, قازاقستاننىڭ ەكسپورتتىق الەۋەتى جانە مەملەكەتتىك قولداۋ تەتىكتەرىنىڭ تيىمدىلىگى سياقتى ماسەلەلەرگە ءمان بەرىلدى.
