فوتو: Polisia.kz
قىلمىس بەينەباقىلاۋ جۇيەلەرىنىڭ كومەگىمەن اشىلدى. وقيعا قالا كوشەلەرىنىڭ بىرىندە تىركەلگەن. بەلگىسىز تۇلعالار 4 كامەرانى قاساقانا سىندىرعان. سالدارىنان 700 مىڭ تەڭگەدەن استام ماتەريالدىق شىعىن كەلتىرىلدى.
ىشكى ىستەر مينيسترلىگىنىڭ اقپاراتىنا سايكەس, تەرگەۋ بارىسىندا وقيعانىڭ تۇنگى ساعات 01:00 شاماسىندا بولعانى انىقتالدى. بەتتەرىن ماسكامەن جاسىرعان ەكى جىگىت ۇزىن اعاشپەن كامەرالاردى ىستەن شىعارعان.
پوليتسەيلەر قىلمىستى اشۋ كەزىندە جاقىن ماڭداعى بەينەباقىلاۋ جۇيەلەرىنىڭ جازبالارىن مۇقيات زەردەلەدى. ناتيجەسىندە كۇدىكتىلەردىڭ قوزعالىس باعىتى انىقتالىپ, جەدەل-ىزدەستىرۋ شارالارى ارقىلى قولعا ءتۇستى.
اقمولا وبلىسىندا جالعان قۇجات جاساماق بولعان كۇدىكتى ۇستالدى
اتالعان دەرەك بويىنشا بوتەننىڭ مۇلكىن قاساقانا جويۋ نەمەسە ءبۇلدىرۋ فاكتىسىمەن قىلمىستىق ءىس قوزعالىپ, سوتقا دەيىنگى تەرگەۋ امالدارى جۇرگىزىلىپ جاتىر.
«الدىن الا مالىمەتكە سايكەس, كۇدىكتىلەر جول ەرەجەسىن بۇزعانى ءۇشىن سالىنعان ايىپپۇلعا اشۋلانىپ, وسى ارەكەتكە بارعاندارىن مويىنداعان. پوليتسيا ازاماتتاردى قوعامدىق م ۇلىككە ۇقىپپەن قاراپ, زاڭ تالاپتارىن ساقتاۋعا شاقىرادى», دەلىنگەن پوليتسيا حابارلاماسىندا.
شالقارداعى جاپپاي توبەلەس: ءجاسوسپىرىمنىڭ ولىمىنە قاتىستى ءۇش كۇدىكتى ۇستالدى
