دەپۋتاتتارعا قاتار مەملەكەتىمەن قىلمىستىق ىستەر بويىنشا ءوزارا قۇقىقتىق كومەك كورسەتۋ جانە ۇستاپ بەرۋ تۋرالى كەلىسىمدەردى راتيفيكاتسيالاۋ جونىندەگى زاڭ جوبالارىن قاراستىرۋ ۇسىنىلدى. كەلىسىمدە قىلمىستىق ىستەر بويىنشا قۇقىقتىق كومەك كورسەتۋ ماسەلەلەرى جونىندەگى ىنتىماقتاستىققا جاۋاپتى ورتالىق ورگاندار ايقىندالىپ, ءوزارا ءىس-قيمىل ماسەلەلەرى رەتتەلەدى. سونداي-اق پروتسەستىك ارەكەتتەرگە قاتىسۋشىلاردىڭ قۇقى بەلگىلەنەدى. ەكستراديتسيالاۋ تۋرالى كەلىسىم ەكى ەلدىڭ قۇزىرەتتى ورگاندارى اراسىنداعى قىلمىستىق جاۋاپكەرشىلىككە تارتۋ ءۇشىن ادامداردى بەرۋ ماسەلەلەرىندەگى قۇقىقتىق قاتىناستاردى رەتتەيدى.
ەكىنشى وقىلىمدا ماجىلىسمەندەر دەنەشىنىقتىرۋ جانە سپورت, سونداي-اق نورمالاردىڭ ارتىق (شامادان تىس) زاڭنامالىق رەگلامەنتتەلۋىن بولعىزباۋ ماسەلەلەرى تۋرالى زاڭ جوباسىن قارايدى.
سونداي-اق ماجىلىسكە كەلىپ تۇسكەن جاڭا زاڭ جوبالارى كۇن تارتىبىنە ەنگىزىلدى. ولاردىڭ قاتارىندا تاريحي-مادەني مۇرا نىساندارىن قورعاۋ بويىنشا تۇزەتۋلەر جانە جەكە تۇلعالارعا ليزينگ ەنگىزۋ ماسەلەلەرى بار.
