فوتو: krassever.ru
قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەلەرى وسى وقيعاعا بايلانىستى اتا-انالارعا ۇندەۋ جاسادى.
«Kazakhstan Kids Online» زەرتتەۋىنە سايكەس, قازاقستاندا بالالاردىڭ 15%-دان استامى ينتەرنەتتەگى تەرىس مازمۇنمەن كۇندەلىكتى كەزدەسەدى. بەينەويىندارعا, الەۋمەتتىك جەلىلەرگە جانە ونلاين قارىم-قاتىناسقا تاۋەلدىلىك ارتىپ كەلەدى. بۇل كوبىنەسە بالالاردىڭ قوعامنان وقشاۋلانۋىنا الىپ كەلىپ, وتباسىداعى تۇسىنىسپەۋشىلىكتەر مەن جانجالدارعا سەبەپ بولادى.
«قۇرمەتتى اتا-انالار!
ۇلتتىق كوميسسيا سىزدەردى بالالارىڭىزدىڭ قىزىعۋشىلىقتارى مەن ماسەلەلەرىنە ايرىقشا كوڭىل بولۋگە شاقىرادى. بالالارىڭىزدىڭ ومىرىنە قاتىسۋ, ولاردىڭ اۋەستىكتەرىنە شىنايى قىزىعۋشىلىق تانىتۋ جانە سەنىمگە نەگىزدەلگەن قارىم-قاتىناس, ديالوگ قۇرۋ – ولاردىڭ ۇيلەسىمدى دامۋىنىڭ نەگىزى جانە مۇمكىن بولاتىن قاۋىپتەردىڭ الدىن الۋدىڭ ءتيىمدى جولى.
سونىمەن قاتار, ءبىز اتا-انالارعا بالالاردىڭ ينتەرنەتتەگى كونتەنتى مەن وتكىزەتىن ۋاقىتىنا نازار اۋدارۋ ءۇشىن قولجەتىمدى «اتا-انا باقىلاۋى» قۇرالدارىن پايدالانۋعا كەڭەس بەرەمىز. بۇل بالالاردى گادجەتتەرگە شامادان تىس اۋەستەنۋدەن, دەسترۋكتيۆتى ويىنداردان قورعاۋعا جانە كيبەرقاۋىپ-قاتەرلەردى ازايتۋعا كومەكتەسەدى. كيبەرقاۋىپسىزدىككە مۇقيات ءمان بەرۋ وتباسىلىق سالاماتتى ءومىردىڭ ماڭىزدى بولىگىنە اينالۋعا ءتيىس», دەلىنگەن ۇندەۋدە.
ۇلتتىق كوميسسيا مۇشەلەرى اتا-انالاردى بالاعا ۇلگى بولىپ, ولاردى قاجەتتى دەڭگەيدە قاداعالاۋعا شاقىردى.
