فوتو: pixabay.com
اۋا رايىنىڭ كۇرت ناشارلاۋى سەبەپتى استانا–قاراعاندى جانە استانا–ششۋچينسك باعىتتارىنداعى تاس جولدارىندا قوزعالىسقا ۋاقىتشا شەكتەۋلەر ەنگىزىلدى.
سول سەبەپتى, جولاۋشىلاردىڭ قاۋىپسىزدىگىن قامتاماسىز ەتۋ ماقساتىندا ۇلتتىق تاسىمالداۋشى 500-دەن استام جولاۋشىنى قوسىمشا پويىزدار ارقىلى تاسىمالداۋ شارالارىن ۇيىمداستىرىپ جاتىر.
«ۇلتتىق تاسىمالداۋشى جولاۋشىلاردىڭ قاۋىپسىزدىگى مەن كولىك قولجەتىمدىلىگىن قامتاماسىز ەتۋ ءۇشىن بارلىق قاجەتتى شارالاردى جاساپ, قولايسىز اۋا رايى كەزىندە جولاۋشىلار تاسىمالىن ەرەكشە باقىلاۋدا ۇستايدى. بارلىق ازاماتتاردى ساقتىق شارالارىن ساقتاۋعا جانە الىس ساپارلارعا شىقپاۋعا شاقىرامىز», دەلىنگەن «جولاۋشىلار تاسىمالى» اق ءباسپاسوز قىزمەتى تاراتقان حابارلامادا.
21 قاڭتاردان باستاپ جولاۋشىلار ءۇشىن كەلەسى ستانتسيالاردا پويىزدارعا وتىرعىزۋ ۇيىمداستىرىلادى:
بۋراباي كۋرورتى ستانتسياسىنان (استاناعا دەيىن):
- №6830 «كوكشەتاۋ-استانا»;
- №7508 «كوكشەتاۋ-نۇرلى-جول».
سارىبەل ستانتسياسىنان (قاراعاندى مەن استاناعا دەيىن):
- №6857 «قاراعاندى-استانا».
