ءولىم جازاسىنا كەسىلگەن ءبىرىنشى ادام 21 جاستاعى سيۋي تسزياتسزين بولدى. 2024 جىلدىڭ 16 قاراشاسىندا ول تسزيانسۋ پروۆينتسياسى يسين قالاسىنداعى ۋسي كاسىپتىك ونەر جانە تەحنولوگيا كوللەدجىندە سەگىز ادامدى پىشاقتاپ ءولتىرىپ, 25 ادامدى جارالادى. پوليتسيانىڭ مالىمەتىنشە, قىلمىسكەر 2024 جىلعى كوللەدج تۇلەگى بولىپ شىقتى. ول مۇنداي ارەكەتكە ەمتيحاننان سۇرىنگەننەن كەيىن بارعان.
ەكىنشى ءولىم جازاسىنا كەسىلگەن فان ەسىمدى 62 جاستاعى ەر ادام. 2024 جىلى 11 قاراشادا چجۋحاي قالاسىندا ول «چجۋحاي» سپورت ورتالىعىنداعى جۇگىرۋ جولىندا جول تالعامايتىن كولىكپەن جاياۋ جۇرگىنشىلەردى قاعىپ كەتكەن. سالدارىنان 35 ادام قازا تاۋىپ, 43 ادام جاراقاتتاندى.
قىتاي ورتالىق تەلەارناسىنىڭ حابارلاۋىنشا, ەكەۋى دە 2024 جىلدىڭ جەلتوقسانىندا ءولىم جازاسىنا كەسىلگەن.
