فوتو: AFP 2024 / SEBASTIEN BOZON
استانا قالالىق پوليتسيا باسقارماسىنىڭ مالىمەتىنشە, جاس جىگىت تۋىستارىنا ونلاين ويىنعا تىيىم سالىپ, تەلەفونىن تارتىپ العاننان كەيىن پىشاق سالعان.
قازىر 1964, 1974 جىلى تۋعان ەكى ايەل № 1 كوپسالالى قالالىق اۋرۋحانادا ەم الىپ جاتىر. دارىگەرلەر ولاردىڭ جالپى جاعدايى ورتاشا تۇراقتى ەكەنىن ايتىپ وتىر.
«تەكسەرۋ ناتيجەسىندە 1964 جىلعى ايەلدىڭ دەنەسىنىڭ ءارتۇرلى بولىكتەرىندە بىرنەشە جەردەن كەسىلگەن جارالار انىقتالدى, سونىمەن قاتار سول جاقتاعى قابىرعاسى سىنعان. اۋرۋحاناعا اۋىر جاعدايدا جاتقىزىلدى جانە وپەراتسيا جاسالدى, قازىر پاتسيەنت قارقىندى تەراپيا بولمەسىندە جاتىر. سونداي-اق 1974 جىلى تۋعان ايەلدىڭ دەنەسى پىشاقپەن ءارتۇرلى جەردەن كەسىلگەن, دەنەسى كوگەرگەن, باس جاراقاتىن العان جانە وڭ جاق قابىرعاسى سىنعان. جالپى جاعدايى ورتاشا, تۇراقتى», دەلىنگەن دەنساۋلىق ساقتاۋ باسقارماسى تاراتقان حابارلامادا.
تاعى ءبىر جاراقات العان 18 جاستاعى ناۋقاس حيرۋرگيا بولىمىنە تۇسكەن. دارىگەرلەردىڭ ايتۋىنشا, ونىڭ دا دەنساۋلىق جاعدايى ورتاشا تۇراقتى.
