فوتو: gov.kz
تۋكتاروۆقا جۇدىرىعىمەن جابىرلەنۋشىنىڭ كوز ايماعىنا بىرنەشە رەت سوققى جاساپ, ونىڭ دەنساۋلىعىنا قاساقانا اۋىر زيان كەلتىرگەن, سونىڭ سالدارىنان ول ابايسىزدا جابىرلەنۋشىنىڭ ولىمىنە اكەپ سوققان دەگەن ايىپ تاعىلعان.
سوت بارىسىندا كۇدىكتى وقيعانى بىركەلكى بايانداعان. سوندىقتان قۇزىرلى ورگاندار, كۇمان كەلتىرەرلىك جاعدايدى بايقاماعان. وقيعا ورنىندا بەينەباقىلاۋ جازبالارى دا كۇدىكتىنىڭ ءسوزىن ايعاقتاعان.
جابىرلەنۋشى ونىڭ سىنىپتاسى بولاتىنىن, وقيعا بولعان كۇنى ونىمەن اراق ءىشىپ اڭگىمەلەسىپ وتىرعاندارىن, كەيىن ولارعا تاعى ءبىر سىنىپتاستارى قوسىلعانىن, ۇشەۋى مونشادا ىشىمدىك ىشكەندەرىن, جابىرلەنۋشىمەن رەنجىسپەگەنىن, ونى ۇرماعانىن, جابىرلەنۋشى دالاعا شىققاندا ماستىقپەن ءوزىنىڭ اياعىنا شالىنىپ ارتقا قاراي قاتتى قۇلاعانىن ايتىپ جاۋاپ بەرگەن.
كۋاگەرلەر مەن سوت مەديتسينالىق-كريميناليستيكالىق ساراپتاماسىنىڭ قورىتىندىسىنا ساي, جابىرلەنۋشىنىڭ دەنە جاراقاتى, تەرگەۋ سىناعى بارىسىندا كورسەتكەن ءمان-جايدا الىنۋ مۇمكىندىگى جوققا شىعارىلمايتىنىن كورسەتكەن.
«جەرگىلىكتى سوتتار تۋكتاروۆقا جابىرلەنۋشىگە ابايسىزدا ونىڭ ولىمىنە اكەپ سوقتىرعان اۋىر دەنە جاراقاتىن كەلتىرگەنى ءۇشىن تاعىلعان ايىپتار بولجامعا نەگىزدەلگەن جانە ونىڭ وسى قىلمىستى جاساۋداعى كىناسى دالەلدەنبەگەن دەگەن دۇرىس قورىتىندىعا كەلگەن. وسىعان بايلانىستى, تۋكتاروۆتى اقتاۋ جونىندەگى سوت اكتىلەرى كۇشىندە قالدىرىلدى. وزگە ادامدى قىلمىستىق جاۋاپتىلىققا تارتۋ ماسەلەسىن شەشۋ ءۇشىن ءىستى پروكۋرورعا جولداۋ تۋرالى وزگەرىس ەنگىزىلدى», دەلىنگەن جوعارعى سوت حابارلاماسىندا.
