فوتو: gov.kz
وبلىس اكىمدىگىنىڭ مالىمەتىنشە, 4 مامىر كۇنى ول قىزمەتىنەن بوساتۋ تۋرالى ءوتىنىش جازعان. كەلەسى كۇنى ءوتىنىشى قاناعاتتاندىرىلىپ, رەسمي تۇردە لاۋازىمىنان بوساتىلعان. ال 6 مامىر كۇنى تاڭەرتەڭ بۇرىنعى اكىم كەڭقياق اۋىلىنداعى ءوز ۇيىنەن ءولى كۇيىندە تابىلعان.
اقتوبە وبلىسى پوليتسيا دەپارتامەنتى 42 جاستاعى ەر ادامنىڭ ولىمىنە بايلانىستى سوتقا دەيىنگى تەرگەپ-تەكسەرۋ باستالعانىن حابارلادى.
ۆەدومستۆونىڭ مالىمەتىنشە, تەرگەۋ بارىسىندا وقيعانىڭ بارلىق ءمان-جايى انىقتالادى. تەرگەۋ مۇددەسىنە بايلانىستى وزگە اقپارات ازىرگە جاريا ەتىلمەيدى.
بۇل اقتوبە وبلىسى وڭىرىندە تىركەلگەن ەكىنشى جاعداي. بۇعان دەيىن تەمىر قالاسىنىڭ اكىمى ەركىن دالماعامبەتوۆ تە قايتىس بولعان ەدى. ونىڭ ولىمىنە قاتىستى ءمان-جايلار دا تەرگەۋ اياسىندا قارالعان.
ايتا كەتەيىك, 3 مامىر كۇنى اقتوبە وبلىسىنىڭ حرومتاۋ قالاسىندا ەر ادامنىڭ ءمايىتى تابىلعانىن جازعان ەدىك.
