فوتو: اشىق دەرەككوز
ءىس-شارانىڭ ماقساتى – تاۋەلسىز قازاقستاننىڭ رۋحىن, ۇلتتىق بىرلىگى مەن ەلدىك مۇراتىن جىرلايتىن شىعارمالاردى دارىپتەۋ, جاس ۇرپاقتى وتانسۇيگىشتىككە تاربيەلەۋ جانە اقىندارعا قولداۋ كورسەتۋ.
ءمۇشايرانىڭ تالاپتارى:
- قاتىسۋشىلار: جاسى 18-دەن جوعارى اقىندار قاتىسا الادى. ارنايى بىلىمگە شەكتەۋ قويىلمايدى.
- شىعارما باعىتى: ءار قاتىسۋشى ەكى ولەڭ ۇسىنۋى ءتيىس: ءبىرى – ازاتتىق تاقىرىبىندا, ەكىنشىسى – استاناعا ارنالعان (ليريكا, تولعاۋ, باللادا جانە ت.ب.).
- شەكتەۋلەر: ولەڭدەر بۇرىن ەش جەردە جاريالانباعان جانە باسقا بايقاۋلارعا قاتىسپاعان بولۋى شارت. شىعارمالار كومپيۋتەردە 14 شريفتپەن تەرىلۋى قاجەت.
جەڭىمپازدار ديپلومدارمەن جانە اقشالاي سىيلىقتارمەن ماراپاتتالادى:
- باس جۇلدە – 1;
- I ورىن – 1;
- II ورىن – 2;
- III ورىن – 3;
- ىنتالاندىرۋ سىيلىعى – 5.
ءوتىنىم بەرۋ ءتارتىبى:
شىعارمالار 2026 جىلعى 10 ماۋسىمعا دەيىن astanapoets@gmail.com پوشتاسى ارقىلى قابىلدانادى. حاتتا قاتىسۋشىنىڭ اتى-ءجونى, قىسقاشا ءومىربايانى, مەكەنجايى جانە بايلانىس دەرەكتەرى كورسەتىلۋى ءتيىس.
قوسىمشا اقپارات ءۇشىن بايلانىس تەلەفونى: +7 747 702 97 97.
ايتا كەتەيىك, شىعارمالاردى كورسەتىلگەن پوشتاعا جىبەرگەننەن كەيىن كەلىپ تۇسكەندىگى نەمەسە قابىلدانعاندىعى جايلى اقپارات ءسىزدىڭ پوشتاڭىزعا جاۋاپ-حات رەتىندە كەلەدى. 24 ساعات ىشىندە كەرى بايلانىس بولماعان جاعدايدا عانا بايلانىس نومىرىنە حابارلاسىپ, انىقتاۋىڭىزعا بولادى.
مۇشايراعا قاتىسا وتىرىپ, قاتىسۋشىلار ۇيىمداستىرۋ كوميتەتىنە شىعارمالاردى, فوتو جانە بەينەماتەريالداردى بۇقارالىق اقپارات قۇرالدارىندا, الەۋمەتتىك جەلىلەردە جانە اقپاراتتىق ماتەريالداردا پايدالانۋعا كەلىسىم بەرەدى.
كاسىبي فوتو جانە بەينەتۇسىرىلىم ۇيىمداستىرۋ كوميتەتىنىڭ الدىن الا كەلىسىمىمەن عانا جۇزەگە اسىرىلادى.
