فوتو: gov.kz
ۆەدومستۆو باسشىسى مينيسترلىكتىڭ نەگىزگى باعىتتار بويىنشا اتقارعان جۇمىسى تۋرالى باياندادى. بۇگىنگى تاڭدا, قىزىلوردا وبلىسىندا جالپى ۇزىندىعى 232 شاقىرىمعا جۋىق 5 كانالدا سۋدى ەسەپكە الۋدىڭ اۆتوماتتاندىرىلعان جۇيەسىن ورناتا وتىرىپ, سۋ جيناۋ ستانتسيالارىن رەكونسترۋكتسيالاۋ جوباسى ىسكە اسىرىلىپ جاتىر. وعان قوسا, ۇزىندىعى 2600 شاقىرىمنان اساتىن 16 ماگيسترالدىق جانە شارۋاشىلىقارالىق ارنالاردى اۆتوماتتاندىرۋ ءۇشىن جوبالاۋ- سمەتالىق قۇجاتتاما ازىرلەنەدى.
وبلىستا سۋ ۇنەمدەۋ تەحنولوگيالارىن ەنگىزۋ بويىنشا دا جۇمىس جالعاسىپ جاتىر. ماسەلەن, وتكەن جىلى قىزىلوردا وبلىسىنىڭ شارۋالارى سۋ ۇنەمدەۋ تەحنولوگيالارىن ەنگىزۋدىڭ ناتيجەسىندە 200 ملن تەكشە مەترگە جۋىق سۋ ۇنەمدەدى.
«كورشىلەس ەلدەرمەن ەكىجاقتى جانە ۇشجاقتى كەلىسسوزدەر مەن قابىلدانعان شەشىمدەردىڭ ناتيجەسىندە 2024 جىلى شاردارا سۋ قويماسىنا 15 ملرد تەكشە مەتردەن استام سۋ كەلدى. ونىڭ 4,8 ملرد تەكشە مەترى سۋارۋ كەزەڭىندە, ال 10,3 ملرد تەكشە مەترى ۆەگەتاتسياارالىق كەزەڭدە جينالدى. قاراتەرەڭ سۋ بەكەتى ارقىلى سولتۇستىك ارالعا 2,6 ملرد تەكشە مەتر سۋ جىبەرىلدى. سالىستىرمالى تۇردە ايتساق, 2022 جىلى ارالعا بار بولعانى 816 ملن تەكشە مەتر سۋ جىبەرىلگەن ەدى» , دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
