الماتىدا اباي فيلوسوفياسى نەگىزىندە ءبىلىم بەرەتىن مەكتەپ اشىلادى

«ABAI ULTTYQ MEKTEBI» اباي فيلوسوفياسىنا, ونىڭ ىشىندە «بەس اسىل ءىس» يدەياسى نەگىزىندە ءبىلىم بەرەدى. وقۋ پروتسەسى قازاق ءتىلى مەن ادەبيەتىن تەرەڭدەتىپ وقۋعا باعىتتالماق. جاڭا عيماراتتا 900 وقۋشىنىڭ ءبىلىم الۋىنا جاعداي جاسالادى. 

وقۋ-اعارتۋ مينيسترلىگىنىڭ مالىمەتىنشە, وسى باعىتتا ءبىلىم بەرۋگە الماتىداعى اباي اتىنداعى مەكتەپ-ينتەرناتىنىڭ الەۋەتى تولىق كولەمدە قولدانىلادى.

«رەسپۋبليكالىق دارىندى بالالارعا ارنالعان اباي̆ اتىنداعى ارنايى مەكتەپ-ينتەرناتىن مودەرنيزاتسيالاۋ وتاندىق ءبىلىم سالاسىنىڭ دامۋىنا جاڭا سەرپىن بەرىپ, وسكەلەڭ ۇرپاق اراسىندا رۋحاني-ادامگەرشىلىك قۇندىلىقتاردى نىعايتۋعا ۇلەس قوسادى. «ABAI ULTTYQ MEKTEBI» زاماناۋي ءبىلىم كەڭىستىگىندە باسەكەگە قابىلەتتى جاستار ءۇشىن وقۋ-اعارتۋ ورتالىعىنا اينالۋى قاجەت», دەدى وقۋ-اعارتۋ مينيسترلىگىنە قاراستى ورتا ءبىلىم كوميتەتىنىڭ توراعاسى قانىبەك جۇماشەۆ.

ۇلتتىق مەكتەپتىڭ شاكىرتتەرى ءۇشىن بىرتۇتاس «ABAY-Programme» باعدارلاماسى ازىرلەنىپ جاتىر. وندا قازاق ءتىلىن مەن بىرنەشە شەت ءتىلىن تەرەڭدەتىپ وقۋعا باسىمدىق بەرىلگەن. 

سونداي-اق قۇرىلىس جوباسىندا مەكتەپ-پانسيون, مۇعالىمدەر ءۇي̆ى, كىتاپحانا, سپورت كەشەنى, جىلىجاي̆ اۋماقتارىن سالۋ قاراستىرىلعان.

ءبىلىم وشاعىن 2026 جىلى پايدالانۋعا بەرۋ جوسپارلانىپ وتىر.