بۇل تۋرالى وبلىستىق پەريناتالدىق ورتالىقتىڭ ءباسپاسوز قىزمەتى حابارلادى.
نارەستە وتباسىنداعى ەكىنشى بالا, ءبىرىنشى ءسابيىن 2022 جىلى 4 320 گرامم سالماقپەن بوسانعان. اناسىندا گەستاتسيالىق قانت ديابەتى بولعان. قازىرگى تاڭدا اناسى مەن بالاسىنىڭ جاعدايلارى قاناعاتتانارلىق, تۇراقتى. دارىگەرلەردىڭ ءجىتى باقىلاۋىندا.
- اتا-انالار الىپ بالا تۋىلسا, "باتىر بالا دۇنيەگە كەلدى" دەپ قۋانىپ جاتادى. الايدا, كوپشىلىگىمىز ءسابيدىڭ اۋىر سالماعى انانىڭ دا, بالانىڭ دا دەنساۋلىعىنا ۇلكەن قاۋىپ توندىرەتىنىن بىلە بەرمەيمىز. شىندىعىندا, "الىپ بالا" قۋانىشىنىڭ ارتىندا نە تۇر؟! ەڭ الدىمەن, نارەستەنىڭ ۇلكەن سالماعى (ماكروسوميا) اناسى ءۇشىن وتە قاۋىپتى. ويتكەنى, تابيعي بوسانۋ كەزىندە قىناپتىڭ, جىنىس مۇشەلەرى ەتىنىڭ, جۇمساق تكاندەرىنىڭ جىرتىلۋى ورىن الىپ, جاتىر اتونياسىنان بوسانعاننان كەيىنگى قان كەتۋ قاۋپى تۋى مۇمكىن, - دەپ جازدى وبلىستىق پەريناتالدىق ورتالىق.
بوسانۋ بارىسىندا قاتەرلى اسقىنۋدىڭ ءبىرى - جاتىردىڭ جىرتىلۋى (رازرىۆ ماتكي) ورىن الۋى مۇمكىن. سول سەبەپتى, كوبىنەسە ايەلدى كەسار تىلىگى وتاسى ارقىلى بوساندىرۋعا تۋرا كەلەدى.
ۇلكەن سالماقپەن بوسانۋ بارىسىندا نارەستە يىق سۇيەگىنىڭ زاقىمدانۋى (ديستوتسيا) جانە باسقا دا جاراقاتتار الۋى مۇمكىن. جاڭا تۋعان سابيدە ارنايى ەمدەۋدى قاجەت ەتەتىن گيپوگليكەميا (قانداعى گليۋكوزانىڭ تومەن دەڭگەيى), پوليتسيتەميا (گەماتوكريت, گەموگلوبين كورسەتكىشىنىڭ ءوسۋى), دەمالۋ قيىندىعى (پەريناتالدى اسفيكسيا) تۋىنداۋى مۇمكىن. ۇلكەن سالماقپەن تۋعان بالالاردا وسە كەلە سەمىزدىككە شالدىعۋ, كومىرسۋ الماسۋدىڭ بۇزىلۋى, ەندوكريندىك اۋرۋلار پايدا بولۋى, قانت ديابەتى, جۇرەك-تامىر جۇيەسى اۋرۋلارى, قان قىسىمىنىڭ جوعارىلاۋ قاۋىپى وتە جوعارى بولادى.
سول سەبەپتى دارىگەرلەر ايەلدەرگە جۇكتىلىككە الدىن-الا دايىندالۋدى ەسكەرتتى.
- جان-جاقتى تولىقتاي تەكسەرۋدەن ءوتىپ, اعزاداعى قانت دەڭگەيىن تەكسەرتىپ, ءومىر سالتىن تۇزەتىپ, سالماعىڭىزدى قاداعالاپ, ءتۇرلى اۋرۋلاردىڭ الدىن الۋ ارەكەتتەرىن جاساڭىز!, - دەلىنگەن حابارلامادا.
