ءار نارسەگە قىزىعۋشىلىق تانىتىپ, قوعامدىق ورتانىڭ تازالىعىنا ءمان بەرىپ جۇرەتىن ەلوردالىق وقۋشى ۇيدەگى قوقىس جاشىكتەرىن اۆتوماتتاندىرعان. ياعني, جاشىكتەردىڭ قاقپاقتارى ادام قولىن جاقىنداتقاندا وزدىگىنەن اشىلىپ, 5 سەكۋندتان كەيىن قايتادان جابىلادى.
«مەن قوقىس سالعىشتاردىڭ قاقپاقتارىن قولمەن اشۋ دۇرىس ەمەس دەپ ويلايمىن. سەبەبى قاقپاقتاعى كوزگە كورىنبەيتىن ميكروبتار ادامنىڭ قولىندا قالىپ, ىشكى اعزاسىنا ءوتۋى مۇمكىن. وسىلايشا قاقپاعى وزدىگىنەن اشىلاتىن ەتىپ جاسادىم», دەيدى وقۋشى ەرلان باقتىعالي ۇلى.
