ورتالىق رەفەرەندۋم كوميسسياسى توراعاسىنىڭ ورىنباسارى مۇحتار ەرماننىڭ حابارلاۋىنشا, 2026 جىلعى 9 ناۋرىز ساعات 18:00-دەگى جاعداي بويىنشا, ياعني اككرەديتتەۋگە وتىنىمدەردى قابىلداۋ اياقتالعان ساتتە سىرتقى ىستەر مينيسترلىگى ورتالىق رەفەرەندۋم كوميسسياسىنا 38 شەت مەملەكەت پەن 11 حالىقارالىق ۇيىمنان 359 بايقاۋشىنىڭ كانديداتۋراسىن ۇسىندى.
ونىڭ ايتۋىنشا, حالىقارالىق بايقاۋشىلاردىڭ قاتىسۋى رەفەرەندۋمنىڭ اشىقتىعى مەن ايقىندىعىن قامتاماسىز ەتۋدىڭ ماڭىزدى ەلەمەنتىنە جاتادى. قازاقستان رەسپۋبليكاسى حالىقارالىق بايقاۋ ينستيتۋتىن دامىتۋ جونىندەگى ءوز حالىقارالىق مىندەتتەمەلەرىن دايەكتى تۇردە ورىنداپ كەلەدى.
حالىقارالىق بايقاۋشىلاردىڭ قاتىسۋىنىڭ قۇقىقتىق نەگىزى «رەسپۋبليكالىق رەفەرەندۋم تۋرالى» كونستيتۋتسيالىق زاڭنىڭ 6-بابىنىڭ 4-تارماعىندا كوزدەلگەن. وعان سايكەس, رەفەرەندۋم وتكىزۋ كەزىندە شەت مەملەكەتتەر مەن حالىقارالىق ۇيىمداردىڭ اككرەديتتەلگەن بايقاۋشىلارى قاتىسا الادى.
شەتەلدىك بايقاۋشىلار رەفەرەندۋمدى بايقاۋعا قازاقستان رەسپۋبليكاسىنىڭ ورتالىق رەفەرەندۋم كوميسسياسى توراعاسى مەن سىرتقى ىستەر ءمينيسترىنىڭ شاقىرۋى بويىنشا قاتىسادى, ال ولاردىڭ اككرەديتتەلۋى سىرتقى ىستەر مينيسترلىگىنىڭ ۇسىنۋى نەگىزىندە ورتالىق رەفەرەندۋم كوميسسياسى ارقىلى جۇرگىزىلەدى.
حالىقارالىق بايقاۋ ينستيتۋتىن اشۋ تۋرالى شەشىم 2026 جىلعى 12 اقپاندا قابىلداندى. اككرەديتتەۋ ءراسىمى 2026 جىلعى 9 ناۋرىزدا استانا ۋاقىتىمەن ساعات 18:00-دە اياقتالدى.
رەفەرەندۋم قارساڭىنداعى قوعامدىق كوڭىل كۇي: جاڭا كونستيتۋتسياعا پىكىر قانداي؟
حالىقارالىق بايقاۋشىلاردىڭ قاتىسۋى − قازاقستان رەسپۋبليكاسىندا رەفەرەندۋمدى دايىنداۋ جانە وتكىزۋ پروتسەسىنىڭ اشىقتىعىن قامتاماسىز ەتۋدىڭ ماڭىزدى ەلەمەنتى.
