دايىندىق بارىسى كاسكادتىق مودەل بويىنشا ۇيىمداستىرىلعان. الدىمەن بارلىق دەڭگەيدەگى كوميسسيا مۇشەلەرى «قازاقستان رەسپۋبليكاسىنداعى سايلاۋ تۋرالى» جانە «قازاقستان رەسپۋبليكاسىنداعى رەسپۋبليكالىق رەفەرەندۋم تۋرالى» كونستيتۋتسيالىق زاڭداردىڭ نەگىزگى نورمالارى بويىنشا كىرiسپە تەست تاپسىرادى, بۇل ولاردىڭ ءبىلىم دەڭگەيىن باعالاپ, وقىتۋدى ماقساتتى جۇرگىزۋگە مۇمكىندىك بەرەدى.
ورتالىق رەفەرەندۋم كوميسسياسى ارنايى وقۋ-ادىستەمەلىك ماتەريالدار, وڭىرلەرگە بەينەكۋرس جانە داۋىس بەرۋ راسىمدەرىن تۇسىندىرەتىن ادىستەمەلىك قۇرالدار توپتاماسىن جولداعان. وقىتۋ اياسىندا پراكتيكالىق ساباقتارعا ەرەكشە ءمان بەرىلدى: ۋچاسكەنى دايىنداۋ, قاتىسۋشىلار تىزىمىمەن جۇمىس, داۋىس بەرۋدى وتكىزۋ جانە قورىتىندى شىعارۋ كەزەڭدەرى ۇلگىلەنىپ, ءتۇرلى قۇقىقتىق ارەكەت نۇسقالارى پىسىقتالدى. العاشقى كەزەڭدە 31 233 ۋچاسكەلىك كوميسسيا باسشىلىعىنىڭ وكىلى پراكتيكالىق تاپسىرمادان ءوتتى.
قازىرگى ۋاقىتتا ءۇشىنشى كەزەڭ ءجۇرىپ جاتىر. اۋماقتىق كوميسسيالاردىڭ قولداۋىمەن ۋچاسكەلىك كوميسسيالاردىڭ قالعان 38 068 مۇشەسى دايىندىقتان ءوتىپ جاتىر, بۇل كەزەڭدى 13 ناۋرىزعا دەيىن اياقتاۋ جوسپارلانعان.
رەفەرەندۋم قارساڭىنداعى قوعامدىق كوڭىل كۇي: جاڭا كونستيتۋتسياعا پىكىر قانداي؟
سونداي-اق, رەفەرەندۋمنىڭ اشىقتىعى مەن جاريالىلىعىن قامتاماسىز ەتۋ ءۇشىن پرەزيدەنت جانىنداعى مەملەكەتتىك باسقارۋ اكادەمياسىنىڭ ەلەكتورالدىق وقىتۋ ورتالىعىندا ارنايى ونلاين-سەمينار ۇيىمداستىرىلدى. وعان اككرەديتتەلگەن قوعامدىق بىرلەستىكتەردىڭ, كوممەرتسيالىق ەمەس ۇيىمداردىڭ جانە باق وكىلدەرى قاتىستى.
رەفەرەندۋمعا دايىندىق كەڭ اۋقىمدا, كەزەڭ-كەزەڭىمەن جانە تاجىريبەگە نەگىزدەلگەن فورماتتا جۇزەگە اسىرىلىپ جاتىر. زاعيپ جاندارعا ارنالعان جاڭا كونستيتۋتسيانىڭ اۋديو نۇسقاسى داۋىس بەرۋ ۋچاسكەلەرىندە قولجەتىمدى بولادى, بۇل بارلىق ازاماتتاردىڭ تەڭ مۇمكىندىكپەن قاتىسۋىنا جاعداي جاسايدى.
رەفەرەندۋم: ورتالىق كوميسسيا قازاقستان وڭىرلەرىنىڭ دايىندىعىن تەكسەردى
