ەۆاكۋاتسيا باستالعالى بەرى ۋاكىلەتتى مەملەكەتتىك ورگانداردىڭ, سونداي-اق رەزيدەنت جانە رەزيدەنت ەمەس اۋە كومپانيالارىنىڭ كومەگىمەن 8 585 ازامات ەلگە قايتارىلعان. الداعى كۇندەرى يزرايلدەن 78 ازاماتتى, قاتاردان شامامەن 350 ادامدى, بىرىككەن اراب امىرلىكتەرىنەن شامامەن 550 ادامدى, ساۋد ارابياسىنان شامامەن 300 ادامدى ەۆاكۋاتسيالاۋ جوسپارلانىپ وتىر. كورسەتىلگەن دەرەكتەر وزگەرۋى مۇمكىن.
ء«بىز وتانداستارىمىزدىڭ قاۋىپسىزدىگىن قامتاماسىز ەتۋ ءۇشىن بار كۇش-جىگەرىمىزدى جۇمساپ, كەز كەلگەن جاعدايدا جان-جاقتى قولداۋ كورسەتىپ كەلەمىز», دەدى ۆەدومستۆونىڭ رەسمي وكىلى.
ازاماتتاردى ەلگە شىعارۋ تەك اۋە رەيستەرىمەن شەكتەلمەيدى. جەرۇستى جولدارىمەن دە ەۆاكۋاتسيا تاسىلدەرى بار. اتاپ ايتقاندا, ازەربايجان, ارمەنيا جانە تۇرىكمەنستاننىڭ قۇرلىقتاعى شەكارالارى ارقىلى ازاماتتار وتانىنا امان-ەسەن ورالىپ جاتىر. ماسەلەن, يراننان 66 قازاقستاندىق ەلگە وسىلاي قايتقان.
ء«بىر ليتر دە مۇناي شىقپايدى»: يران ورمۇز بۇعازىن تولىق باقىلاۋعا الدى
سونىمەن قاتار تاياۋ شىعىستاعى سوعىس ءورتى ءورشىپ, اۋە كەڭىستىگىنىڭ جابىلۋىنا بايلانىستى قازاقستان ازاماتتارىنا وڭىردەگى بىرقاتار مەملەكەتكە بارۋدان ۋاقىتشا باس تارتۋ ۇسىنىلدى. اسىرەسە باحرەين, مىسىر, يزرايل, يەمەن, يوردانيا, يران, كاتار, ساۋد ارابياسى, تۇركيا, ليۆان, بىرىككەن اراب امىرلىكتەرى, ومان جانە سيرياعا ساپارلاردى كەيىنگە قالدىرۋعا كەڭەس بەرىلدى.
وڭىردە جۇرگەن ازاماتتارعا جەكە قاۋىپسىزدىك شارالارىن كۇشەيتىپ, قاۋىپتى اۋدانداردان اۋلاق بولۋ, جەرگىلىكتى بيلىك ورگاندارىنىڭ نۇسقاۋىن ورىنداۋ جانە زىمىراندىق قاۋىپ تۋىنداعان جاعدايدا پانالاۋ ورىندارىنا بارۋ قاجەتتىگى ەسكەرتىلدى. سونداي-اق ديپلوماتيالىق وكىلدىكتەرمەن, تۋروپەراتورلارمەن جانە اۋە تاسىمالداۋشىلارىمەن تۇراقتى بايلانىستا بولۋ ۇسىنىلدى.
سىرتقى ىستەر مينيسترلىگىنىڭ مالىمەتىنشە, بۇعان دەيىن جاريالانعان ەسكەرتۋلەرگە قاراماستان, كەيبىر ازاماتتار اتالعان ەلدەرگە ساپار جوسپارلاپ وتىر. وسىعان بايلانىستى ۆەدومستۆو جاعداي تولىق تۇراقتانعانعا دەيىن مۇنداي ساپارلاردى جوسپارلاۋدان باس تارتۋعا شاقىردى.
بۇعان قوسا مينيسترلىك شەتەلدە وتەتىن رەفەرەندۋمعا دايىندىق تۋرالى دا اقپارات بەردى. ۆەدومستۆودا ارنايى شتاب قۇرىلىپ, ۇيىمداستىرۋ جۇمىستارى جۇرگىزىلىپ جاتىر. تاياۋ شىعىستاعى اسكەري-ساياسي جاعدايدىڭ كۇردەلەنۋىنە, سونداي-اق ۋكراينا مەن ەفيوپياداعى قاۋىپسىزدىك دەڭگەيىنىڭ تومەن بولۋىنا بايلانىستى 10 ەلدەگى 11 سايلاۋ ۋچاسكەسىنىڭ جۇمىسى ۋاقىتشا توقتاتىلدى.
ولاردىڭ قاتارىندا قازاقستاننىڭ يران, يزرايل, يوردانيا, كاتار, بىرىككەن اراب امىرلىكتەرى, ومان, ليۆان, كۋۆەيت, ۋكراينا جانە ەفيوپياداعى ديپلوماتيالىق وكىلدىكتەرى جانىنداعى, سونداي-اق دۋباي قالاسىنداعى قازاقستان كونسۋلدىعى جانىنداعى ۋچاسكەلەر بار.
ەرمەك كوشەرباەۆ ءيزرايلدىڭ سىرتقى ىستەر مينيسترىمەن سويلەستى
وسىلايشا رەفەرەندۋم كەزىندە 54 ەلدە 71 سايلاۋ ۋچاسكەسى جۇمىس ىستەيدى. شەتەلدەگى سايلاۋشىلاردىڭ جالپى سانى 14 230 ادامدى قۇرايدى.
