اتىراۋ مۇناي وڭدەۋ زاۋىتىنىڭ جەلىسىندە جانارماي اققان ەدى. بۇگىن زاۋىتتان اقاۋدىڭ تولىق جويىلعانى تۋرالى مالىمەت جەتتى.
ء«اموز» جشس ءباسپاسوز قىزمەتىنىڭ اقپاراتىنا قاراعاندا, اۆتوبەنزين ايداۋعا ارنالعان جەراستى قۇبىرىنىڭ اقاۋلى بولىگى تولىعىمەن قالپىنا كەلتىرىلگەن.
«زاۋىتتاعى № 33 رەزەرۆۋار پاركىنە تاۋارلىق بەنزين كومپونەنتتەرىن ايداۋ جەلىسىندە اقاۋ انىقتالعان بولاتىن. جاۋاپتى ماماندار قۇبىردى رەزەرۆۋاردان اجىراتۋ شاراسىن جۇرگىزدى. توگىلگەن مۇناي ءونىمى سورىلىپ, وڭدەۋگە جىبەرىلدى», دەپ حابارلادى زاۋىتتىڭ ءباسپاسوز قىزمەتى.
قازىر زاۋىتتا ارنايى كوميسسيا قۇرىلعان. بۇل كوميسيا زاۋىتتاعى اقاۋدىڭ سەبەپتەرىن انىقتاۋعا كىرىستى.
«كوميسسيا جۇمىسى اياقتالعاننان كەيىن اقاۋدىڭ سەبەبى مەن قابىلدانعان شارالار تۋرالى قوسىمشا حابارلانادى. قازىر جانارمايدىڭ اعۋى توقتادى. زاۋىتتىڭ قوندىرعىلارى شتاتتىق رەجيمدە جۇمىس ىستەپ تۇر. مۇناي ونىمدەرىنىڭ نەگىزگى تۇرلەرىن ءوندىرۋ جانە جونەلتۋ پروتسەسى ەنەرگەتيكا مينيسترلىگى بەكىتكەن جوسپارعا سايكەس جۇرگىزىلىپ جاتىر», دەپ مالىمدەدى زاۋىتتىڭ ءباسپاسوز قىزمەتىنەن.
