الماتى قالاسى اكىمدىگى جانە قالالىق مۋزەيلەر بىرلەستىگىنىڭ قولداۋىمەن شىققان ەنتسيكلوپەديانىڭ كولەمى – 47 باسپا تاباق, تارالىمى – 1000 دانا. العىسوزىن قازاقستان جازۋشىلار وداعىنىڭ باسقارما توراعاسى مەرەكە قۇلكەنوۆ, الماتى قالاسى مۋزەيلەر بىرلەستىگىنىڭ ديرەكتورى ءلاززات ساعىندىقوۆا جانە ءا.قايىربەكوۆ جازعان. بۇل ەڭبەكتە قازاق ادەبيەتىنىڭ كلاسسيگى, قازاقستاننىڭ حالىق جازۋشىسى, دراماتۋرگ, سوتسياليستىك ەڭبەك ەرى, اكادەميك, ءسوز زەرگەرى ع.مۇسىرەپوۆتىڭ ءومىر جولى, وسكەن ورتاسى, شىعارمالارىنىڭ جازىلۋ تاريحى, ادەبي بايلانىستارى, وي-تۇجىرىمدارى, زامانداستارىنىڭ لەبىزى مولىنان قامتىلعان. ەنتسيكلوپەديانى دايىنداۋعا قازاقستان رەسپۋبليكاسى مادەنيەت قايراتكەرى گ.قۇداباەۆا, مۋزەي كەشەنىنىڭ عىلىمي قىزمەتكەرلەرى ن.التاەۆا, ر.وتار, ا.كوشەرباەۆا, ج.تاەۆا قاتىستى. رەداكتورى – الماتى قالاسى مۋزەيلەر بىرلەستىگى ديرەكتورىنىڭ عىلىمي جۇمىستار جونىندەگى ورىنباسارى ر.قايرات ۇلى.
ءىس-شارانىڭ مودەراتورى ءا.قايىربەكوۆ ەنتسيكلوپەديانىڭ قالاي ازىرلەنگەنى تۋرالى قىسقاشا اقپارات بەردى. قازاقستان رەسپۋبليكاسى پرەزيدەنتىنىڭ كەڭەسشىسى م.وتارباەۆ, الماتى قالاسى اكىمىنىڭ كەڭەسشىسى م.احەتوۆ, قازاقستان جازۋشىلار وداعىنىڭ باسقارما توراعاسى م.قۇلكەنوۆ, قازاقستاننىڭ ەڭبەك ەرى ا.ءاشىموۆ, مەملەكەتتىك سىيلىقتىڭ لاۋرەاتى ن.ورازالين, ت.ب. كىتاپ تۇساۋكەسەرىنىڭ ءراسىمىن جاسادى. كىتاپتىڭ 5 داناسى ۇلتتىق كىتاپحانا قورىنا تاپسىرىلدى. كوپشىلىك قاۋىمعا كلاسسيكتىڭ كوزى تىرىسىندە تۇسكەن دەرەكتى فيلمدەردەن ارنايى دايىندالعان شاعىن بەينەجازبا كورسەتىلدى.
كىتاپ تانىستىرىلىمىنا عابەڭنىڭ قىزى گاۋحار مۇسىرەپوۆا, جازۋشىنىڭ جيەنى ساۋلە, نەمەرە قارىنداسى جانات, ت.ب. قاتىستى. ءانشى, قازاقستاننىڭ ەڭبەك سىڭىرگەن قايراتكەرى ە.شۇكىمان كەزىندە عابەڭنىڭ ءسۇيىپ تىڭداعان اندەرى اقان سەرىنىڭ «ماڭماڭگەرى» مەن ءبىرجان سالدىڭ «القاراكوك» اندەرىن ورىندادى. كەش سوڭىندا قوناقتارعا ەنتسيكلوپەديانىڭ ءبىر-ءبىر داناسى سىيعا بەرىلدى.
نازگۇل التاەۆا,
س.مۇقانوۆ پەن ع.مۇسىرەپوۆتىڭ ادەبي-مەموريالدىق مۋزەي كەشەنىنىڭ عىلىمي قىزمەتكەرى
