ب.بەكنيازوۆانىڭ ايتۋىنشا, بايعانين اۋدانى اەروپورت كوشەسىندەگى ەكى قاباتتى ءۇي وسىدان ءۇش جىل بۇرىن پايدالانۋعا بەرىلگەن.
ء«ۇي ىشىندەگى اجەتحانانى كارىز سۋى باسقان. ءسۇرتىپ, كەپتىرىپ قويامىن, قايتا تولىپ قالادى. كەيىن اكىمدىككە بارىپ كومەك سۇرادىم. ولار كارىز قۇبىرى بىتەلىپ قالعانىن ايتادى. بىراق قازىر لاس سۋ قۇبىردان عانا ەمەس, ەدەندەگى قىش تاقتايشالارىنىڭ اراسىنان دا كىرىپ جاتىر. بىزگە كومەك كەرەك», دەدى اۋىل تۇرعىنى باقىت بەكنيازوۆا.
ءدال وسى ءۇيدىڭ تۇرعىنى گۇلزات ەسەنباەۆا دا ءۇيدىڭ ساپاسىنا كوڭىلى تولمايتىنىن ايتتى. تەرەزەسىنەن جەل سوعاتىن بولعان سوڭ امالداپ, سكوچپەن بىتەپ قويعان. سونىمەن بىرگە قابىرعاسىندا جارىق بار كورىنەدى.
تۇرعىندار جىبەرگەن ۆيدەودان پاتەر ىشىنەن بولەك ورتاق دالىزگە دە كارىز سۋى كىرىپ جاتقانىن كورۋگە بولادى. بۇل ءبىر عانا وتباسىنىڭ ەمەس, ءبىرىنشى قاباتتاعى تۇرعىنداردىڭ ورتاق پروبلەماسى. ولاردىڭ ويىنشا, جەر استىندا قۇبىر جارىلعان بولۋى مۇمكىن.
بۇل ماسەلەگە بايعانين اۋداندىق اكىمدىگى ءوز جاۋابىن بەردى. اكىمدىك تۇرعىنداردىڭ وزىنە كىنا ارتىپ وتىر.
«بۇل ءۇي 2021 جىلى وسال توپتاعى ادامدارعا پايدالانۋعا بەرىلدى. ءۇيدىڭ كارىز قۇبىرى ءتۇرلى تۇرمىستىق زاتتارمەن بىتەلىپ قالا بەرەدى. قۇبىر بىتەلگەن سايىن تىركەپ وتىرامىز. تۇرعىنداردىڭ ەشقايسىسى موينىنا المايدى. مۇندا 16 پاتەر بار. ارقايسىسىمەن جەكە-جەكە جينالىس وتكىزىلدى. ەش ناتيجە بەرمەي وتىر. جانىندا وزگە دە ەكى قاباتتى ۇيلەر بار. ولاردا ەشقانداي ماسەلە جوق, ماسەلە تەك وسى ۇيدە بولىپ تۇر. كەلىسىمشارت بويىنشا ادامدار وزدەرى كۇتىپ ۇستاۋى ءتيىس», دەدى بايعانين اۋدانى اكىمىنىڭ ورىنباسارى رۇستەم راۋشانوۆ.
