ۇلىتاۋ وبلىسىندا وتكەن وتان قورعاۋشىلار كۇنىنە ارنالعان مەرەكەلىك شارادا وتان قورعاۋشىلاردىڭ ەلىمىزدىڭ قورعانىس سالاسىندا الار ورنى ەرەكشە ەكەنى پاش ەتىلدى. وتان قورعاۋشى كۇنى – وتانسۇيگىشتىك رۋحتى كۇشەيتىپ, ۇلتتىڭ بىرلىگىن نىعايتاتىن مەرەكە. ەلىمىزدىڭ تىنىشتىعى مەن قاۋىپسىزدىگىن قامتاماسىز ەتىپ جۇرگەن اسكەري قىزمەتشىلەر مەن بارشا ەر-ازاماتتاردى قۇرمەتتەيتىن ماڭىزدى مەرەكە. وتاندى قورعاۋ – تەك قارۋمەن عانا ەمەس, بىلىممەن, ەڭبەكپەن, ادالدىقپەن دە جۇزەگە اسادى.
ۇلىتاۋ وبلىسىندا Telegram ارقىلى ەسىرتكى ساتپاق بولعان قىلمىستىق توپ ۇستالدى
سالتاناتتى جيىنعا وبلىس اكىمى داستان رىسپەكوۆ قاتىسىپ, ايتۋلى كۇننىڭ ەل ومىرىندەگى ايرىقشا ماڭىزىنا توقتالدى.
«قاسيەتتى ۇلىتاۋ – ەجەلدەن ەرلىك پەن نامىستىڭ مەكەنى, ۇلتىمىزدىڭ التىن ۇياسى. ءبىز بۇگىن اعا بۋىننىڭ قاھارماندىق ءداستۇرىن ابىرويمەن جالعاستىرىپ كەلە جاتقان ناعىز وتانشىل ازاماتتاردى ماقتان تۇتامىز. مەملەكەت باسشىسى – جوعارعى باس قولباسشى قاسىم-جومارت كەمەل ۇلى توقاەۆ اتاپ وتكەندەي, «ايبىندى اسكەرىمىز – تاۋەلسىزدىگىمىزدىڭ مىزعىماس تىرەگى», دەدى ءوڭىر باسشىسى.
سالتاناتتى جيىندا ازاماتتارعا مەرەكەلىك ماراپاتتار تابىستالدى. قورعانىس مينيسترىنىڭ 29 ءساۋىر 2026 جىلعى №432 بۇيرىعىمەن I دارەجەلى ء«مىنسىز قىزمەتى ءۇشىن» مەدالىمەن ساتباەۆ قورعانىس ىستەرى ءبولىمىنىڭ باستىعى, مايور تالعات امانگەلدى ۇلى ماراپاتتالادى. III دارەجەلى ء«مىنسىز قىزمەتى ءۇشىن» مەدالىمەن قورعانىس ىستەرى دەپارتامەنتىنىڭ اعا سەرجانتى نۇرسۇلتان مايرامبەك ۇلى ماراپاتتالدى. III دارەجەلى ء«مىنسىز قىزمەتى ءۇشىن» مەدالىن قورعانىس ىستەرى دەپارتامەنتىنىڭ 3-ءشى سىنىپتى سەرجانتى دينارا تۇياقبايقىزى كەۋدەسىنە تاقتى. ءبىراز ازاماتتار ۇلىتاۋ وبلىسىنىڭ قۇرمەت گراموتاسىمەن, ۇلىتاۋ وبلىسىنىڭ العىس حاتىمەن ماراپاتتادى.
مەرەكەلىك ءىس-شارادا ۇلتتىق ۇلاننىڭ ورتالىق وڭىرلىك قولباسشىلىعىنا قاراستى 6505 اسكەري ءبولىمىنىڭ وركەسترىنىڭ سۇيەمەلدەۋىمەن «ەلدىڭ قورعانى», «باتىرلار ۇرانى», «قازاق جىگىتتەرى» اتتى وتانسۇيگىش اندەر ورىندالدى. ەسترادا جۇلدىزى, ۇلىتاۋلىق قۋاندىق راحىم اننەن شاشۋ شاشتى. «نۇرشاشۋ» ءانسامبلىنىڭ بيشىلەرى ساحنا ءسانىن كەلتىردى.
ۇلىتاۋ وبلىسى
3000 شاقىرىم جول: 76 جاستاعى اقساقال ۇلىتاۋدان پاريجگە جاياۋ باردى
