وسىلايشا «Kazakh-boo» ۇعىمى پايدا بولدى. بۇل تەرمين جاپون مادەنيەتىنە اۋەس «weeaboo» سوزىنەن شابىت الىپ, قازاقستاندى «جاڭا, از زەرتتەلگەن جانە ەرەكشە تارتىمدى مادەني باعىت» رەتىندە سيپاتتاۋعا قولدانىلا باستادى. باتىس ينتەرنەتىندە قازاقستان «جاڭا جاپونيا» رەتىندە قابىلدانىپ, ونىڭ مادەنيەتى مەن ۆيزۋالدى بەينەسىنە قىزىعۋشىلىق ارتتى.
ترەندتىڭ سيمۆولىنا اينالعان «كەن-مىرزا» اتتى امەريكالىق قولدانۋشىنىڭ جازبالارى دا كەڭ تارادى. ول ءوز اۋلاسىندا كيىز ءۇي تىگىپ, قازاق ەپوستارىن ۇيرەنىپ, استاناعا كوشۋدى ارماندايتىنىن بولىسكەن. بۇل كونتەنت الەۋمەتتىك جەلىلەردە كەڭ تالقىلاندى.
قازاقشا كونتەنت نەگە ترەندكە سيرەك شىعادى: ماسەلە تىلدە مە, فورماتتا ما؟
قازاقستاننىڭ تابيعاتى مەن زاماناۋي ساۋلەتىنىڭ ۇيلەسىمى دە ەرەكشە نازارعا ىلىكتى. استانانىڭ فۋتۋريستىك عيماراتتارى مەن كەڭ دالا پەيزاجى «كوشپەلى كيبەرپانك» ەستەتيكاسىن قالىپتاستىردى. سونىمەن قاتار دومبىرا, كۇي جانە ءداستۇرلى مۋزىكا ەلەمەنتتەرىنىڭ ەلەكتروندى باعىتپەن ارالاسۋى جاڭا مادەني ستيل رەتىندە قابىلدانا باستادى.
باتىس اۋديتورياسىنىڭ قىزىعۋشىلىعىنىڭ ارتۋى قازاقستاننىڭ بۇرىن جاھاندىق پوپ-مادەنيەتتە از كورىنۋىمەن بايلانىستىرىلادى. جاڭا مادەني ىزدەنىس اياسىندا ەلدىڭ تاريحي مۇراسى, ەپوستارى مەن كەڭىستىكتىك ەرەكشەلىگى «جاڭا لور» رەتىندە باعالانىپ وتىر.
دەگەنمەن, بۇل قۇبىلىسقا قازاقستان ىشىندە ءارتۇرلى كوزقاراس بار. ءبىر جاعىنان, مادەنيەتكە دەگەن قىزىعۋشىلىقتىڭ ءوسۋى وڭ باعالانسا, ەكىنشى جاعىنان, ونىڭ تەك ەستەتيكالىق وبرازعا اينالىپ كەتۋ قاۋپى دە ايتىلىپ جاتىر.
ساراپشىلاردىڭ پىكىرىنشە, بۇل ترەند قازاقستاننىڭ شىنايى مادەنيەتىن الەمدىك اۋديتورياعا جاقىنداتۋعا مۇمكىندىك بەرسە دە, ونى ءۇستىرت قابىلداۋ قاۋپىن دە قاتار الىپ جۇرەدى.
