فوتو: flyqazaq.com
Qazaq Air 2024 جىلدىڭ 28 جەلتوقسانى مەن 2025 جىلدىڭ 27 قاڭتارى ارالىعىندا استانا-ەكاتەرينبۋرگ باعىتى بويىنشا رەيستەردى ۋاقىتشا توقتاتاتىنىن حابارلادى.
«رەيستەردى ۋاقىتشا توقتاتۋ رەسەيگە ۇشۋ تاۋەكەلدەرىن ۇنەمى باعالاۋ ناتيجەلەرى بويىنشا جولاۋشىلار مەن ەكيپاج مۇشەلەرىنىڭ قاۋىپسىزدىگىن قامتاماسىز ەتۋ ءۇشىن جۇزەگە اسىرىلدى. اۆياكومپانيا قازىرگى ۋاقىتتا Qazaq AIR تاۋەكەلدەرىن باعالاۋ كريتەريلەرىنە سايكەس كەلەتىن ومبى مەن نوۆوسىبىرگە رەيستەردى ورىنداۋدى جالعاستىرادى. ەكاتەرينبۋرگكە اۋە رەيستەرىن قالپىنا كەلتىرۋ تاۋەكەلدەردى قايتا باعالاۋ قورىتىندىلارى بويىنشا جۇزەگە اسىرىلاتىن بولادى», دەدى كومپانيا وكىلدەرى.
توقتاتىلعان رەيستەردىڭ جولاۋشىلارىنا اۋە بيلەتتەرىنىڭ تولىق قۇنى قايتارىلاتىنى جانە تاسىمالداۋشىنىڭ بالامالى رەيستەرىنە تەگىن قايتا برونداۋ ۇسىنىلاتىنى ءتۇسىندىرىلدى.
ايتا كەتەيىك, بۇعان دەيىن وتاندىق «Air Astana» اۋە كومپانياسى رەسەيگە رەيستەرىن توقتاتقان ەدى.
