كەلەلى كەڭەسكە كەلگەن قۇرمەتتى قوناقتاردى مەكتەپ وقۋشىلارى جىردان شاشۋ شاشىپ قارسى الدى. ودان سوڭ اقىننىڭ 85 جىلدىق مەرەيتويىنا ارناپ جاسالعان بارەلەفتىڭ اشىلۋ ءراسىمى ءوتتى. عىلىمي جيىننىڭ تىزگىنىن ۇلتتىق قۇرىلتاي مۇشەسى, ۇعا اكادەميگى كارىمبەك قۇرماناليەۆ ۇستادى. شارادا ر.مۇقانوۆا, ي.ەلەكەەۆ, ب.ءايتىموۆا, ءا.بيمەندينا, د.قامزابەك ۇلى, ە.تىلەشوۆ, ە.قالماقوۆ, ق.سەنعازيەۆ, گ.ەڭسەپوۆا, ن.ىسقاقوۆ سىندى مادەنيەت, عىلىم, اقپارات, ءبىلىم سالاسى وكىلدەرى بايانداما جاسادى. اقىن مۇراسى تۋرالى ورامدى ويلارىن ورتاعا سالدى.
«ونىڭ اقىندىق تۇلعاسى مەن وزىنە ءتان ءورشىل مىنەزى, وزگەشە تاعدىرى باسقالارمەن سالىستىرۋعا كەلمەيدى. ەرەكشە وقشاۋ تۇردى. فاريزا – جان سۇلۋلىعىن قالاعان اقىن. ول ولەڭنىڭ ءلاززاتىنا دا, ازابىنا دا مويىنسۇندى. ءومىردى ولەڭ دەپ تانىدى», دەدى جازۋشى, دراماتۋرگ روزا مۇقانوۆا.
كونفەرەنتسيا بارىسىندا «ايەل اتتى ۇلىلىق!» اتتى ادەبي مۋزىكالىق قويىلىم ساحنالاندى. سەكسەن بەس وقۋشى اقىننىڭ ولەڭىنە جازىلعان اندەردى ورىنداپ, ساحنانى ەرەكشە سانگە بولەدى.
«بۇل شارانىڭ ەلوردادا اقىن اتىنداعى مەكتەپتە ءوتۋى – ءبىلىم سالاسىنىڭ ابىرويى» دەدى وقۋ اعارتۋ مينيسترلىگىنىڭ دەپارتامەنت ديرەكتورى ەرلان قالماقوۆ.
