ءبىرىنشى وقىلىمدا ءماجىلىس دەپۋتاتتارىنا دەنساۋلىق ساقتاۋ سالاسىنداعى نورمالاردىڭ ارتىق زاڭنامالىق رەگلامەنتتەلۋىن بولعىزباۋ ماسەلەلەرى بويىنشا زاڭنامالىق وزگەرىستەردى تالقىلاۋ ۇسىنىلادى. اتاپ ايتقاندا, «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكس دەڭگەيىندە ۋاكىلەتتى ورگاننىڭ نۇسقاۋلىقتار, الگوريتمدەر مەن رەگلامەنتتەردى, ماماندىقتار نومەنكلاتۋراسىن, قىزمەتكەرلەر لاۋازىمدارىنىڭ بىلىكتىلىك سيپاتتامالارىن, دەنساۋلىق ساقتاۋ سالاسىنداعى كورسەتكىشتەردى قالىپتاستىرۋ ادىستەمەسىن ازىرلەۋ جانە بەكىتۋگە قاتىستى وكىلەتتىكتەرى مەن باسقا دا بىرقاتار نورما الىنىپ تاستالادى.
ءماجىلىستىڭ جالپى وتىرىسىنىڭ كۇن تارتىبىنە تۇركىتىلدەس مەملەكەتتەردىڭ ىنتىماقتاستىق كەڭەسىن قۇرۋ تۋرالى ناحچىۆان كەلىسىمىنە وزگەرىستەر ەنگىزۋ تۋرالى جانە ەۋرازيالىق ەكونوميكالىق وداققا مۇشە مەملەكەتتەردىڭ اراسىندا كەدەندىك اكەلۋ باجدارىنىڭ سومالارىن اۋدارۋعا قاتىستى بولىكتە وزگەرىستەر ەنگىزۋ تۋرالى حاتتامالاردى راتيفيكاتسيالاۋ تۋرالى زاڭ جوبالارى دا ەنگىزىلگەن.
سونداي-اق دەپۋتاتتار اڭشىلىق سالاسى جانە جانۋارلار دۇنيەسىن ساقتاۋ جونىندەگى جاڭا زاڭ جوبالارىن جۇمىسقا الادى.
