اباي وبلىسى اكىمىنىڭ ورىنباسارى تاعايىندالدى

ول 1973 جىلى 14 قىركۇيەكتە سەمەي وبلىسى شار قالاسىندا دۇنيەگە كەلگەن. قازاق مەملەكەتتىك ۋنيۆەرسيتەتىن «قۇقىقتانۋ», سەمەي قالاسىنىڭ شاكارىم اتىنداعى مەملەكەتتىك ۋنيۆەرسيتەتىن «تاريح مۇعالىمى» جانە «مال شارۋاشىلىعى ونىمدەرىن ءوندىرۋ تەحنولوگياسى» ماماندىقتارى بويىنشا اياقتاعان. مال شارۋاشىلىعى ونىمدەرىن ءوندىرۋ تەحنولوگياسىنىڭ ماگيسترى.

ەڭبەك جولىن جارما اۋدانىنا قاراستى شالاباي اۋىلىنداعى «شالاباي» اسىل تۇقىمدى زاۋىتى كاسىپوداق كوميتەتىنىڭ «پارۋس» جاسوسپىرىمدەر كلۋبىندا جاتتىقتىرۋشى بولىپ باستاعان.

1990-1991 جىلدارى سەمەي قالاسىنداعى «اۋا رايى» شاعىن كاسىپورنىنىڭ سۋرەتشى-ديزاينەرى.

1993-1994 جىلدارى - جامبىل وبلىسىنداعى «شايزادا» كووپەراتيۆىنىڭ جابدىقتاۋشى-ەكسپەديتورى.

1994-1995 جىلدارى - الماتى قالاسىنداعى «گۇلجان» شاعىن جەكە كاسىپورنىنىڭ ديرەكتورى.

1995-1996 جىلدارى - جارما اۋدانى, شالاباي اۋىلى, ن.كرۋپسكايا اتىنداعى ورتا مەكتەپتە ۇيىرمە جەتەكشىسى, 1996-2001 جىلدارى - سول مەكتەپتە اسكەري جەتەكشىسى, 2001-2006 جىلدارى - سول مەكتەپتىڭ ديرەكتورى.

2006-2022 جىلدارى - جارما اۋدانى, شالاباي اۋىلىنداعى «شالاباي» جاۋاپكەرشىلىگى شەكتەۋلى سەرىكتەستىگىنىڭ باس ديرەكتورى.

تاعايىندالعانعا دەيىن اباي وبلىستىق ءماسليحاتىنىڭ توراعاسى قىزمەتىن اتقاردى.