ول ءار جىل سايىن ءبىر ءتىلدى ۇيرەنىپ ءجۇر. ەندىگى ماقساتى – اراب ءتىلى. ايشانىڭ اناسى ءمادينا دانيارقىزى قىزىنا 8 ايلىعىنان باستاپ شەت ءتىلىن ۇيرەتكەن. ونىڭ ايتۋىنشا, بەس جاسقا دەيىن بالانىڭ ساناسىندا شەت ءتىلى دەگەن ۇعىم بولمايدى.
روبوت كۇزەتشى
قىتايدىڭ شىعىسىنداعى ۆەنچجوۋ قالاسىنىڭ كوشەلەرىن روبوتتار كۇزەتەدى.
جاساندى ينتەللەكت نەگىزىندە جۇمىس ىستەيتىن تەحنولوگيا ادامداردىڭ جەكە تۇلعاسىن, سونداي-اق كۇدىكتىنىڭ مىنەز-قۇلقىن انىقتاي الادى. قاجەت بولعان جاعدايدا كوز جاساۋراتاتىن گاز شاشىپ, دابىل ارقىلى اسەر ەتەدى. وسىدان كەيىن بىردەن پوليتسەيلەرگە قاۋىپتى جاعداي تۋرالى حابارلاما كەلىپ تۇسەدى. قۇرىلعىنىڭ سالماعى – 125 كگ. ساعاتىنا 35 شاقىرىمعا دەيىن قوزعالا الادى. روبوتتىڭ ءپىشىنى سفەرا ءتارىزدى. سونىڭ ارقاسىندا پوليتسەيلەر جەتە المايتىن جەرلەردى تەكسەرۋگە قاۋقارلى, ءتىپتى سۋدا دا قوزعالا الادى.
اجەسىن تۇرمەگە توعىتتى
اقش-تىڭ ميچيگان شتاتى نيۋبەرري قالاسىندا گۇل ساتۋشى قىز دجەننا گەرۆاتوۆسكي قىزىق ءۇشىن قۇربىسىمەن بىرگە دنق تەستىن تاپسىرعان.
بىرنەشە كۇن وتكەن سوڭ ونى ويدا جوقتا پوليتسيا بولىمشەسىنە شاقىرتادى. سويتسە, دجەننانىڭ دنق-سى 1997 جىلعى قىلمىس ورنىنداعى ايعاقتارمەن سايكەس كەلەدى ەكەن. تەرگەۋ كەزىندە قىزدىڭ اجەسى 27 جىل بويى ىزدەۋدە جۇرگەنى انىقتالدى. ول اۋىر قىلمىسقا, ياعني ادام ولتىرۋگە قاتىسى بار دەگەن كۇدىككە ىلىنگەن. ەندى ونىڭ اجەسىنە ءومىر بويى باس بوستاندىعىنان ايىرۋ جازاسى تاعايىندالۋى مۇمكىن.
