فوتو: قر تجم
قازىرگى تاڭدا اتىراۋ وبلىسىندا سۋ تاسقىنىنىڭ الدىن الۋعا دايىندىق قالاي ءجۇرىپ جاتىر؟ بۇل ماسەلە پرەمەر-ءمينيستردىڭ ورىنباسارى قانات بوزىمباەۆتىڭ مۇنايلى وڭىرگە ساپارىندا تالقىعا ءتۇستى. ول الدىمەن جىلىوي, ماحامبەت اۋداندارىنا بارىپ, ەلدى مەكەندەردى سۋ تاسقىنىنان قورعاۋ ماقساتىنداعى جۇمىستارعا باقىلاۋ جۇرگىزدى.
جىلىوي اۋدانىنىڭ ورتالىعى – قۇلسارى قالاسىنىڭ ماڭىنداعى قامىسكول كولىنىڭ جاعالاۋى نىعايتىلىپ جاتىر. وسىنداعى جەم وزەنى ارناسىنىڭ 23 شاقىرىمى جانە قۇرساي كانالىندا 35 شاقىرىم تەرەڭدەتىلگەن. بۇل جۇمىستارعا 100-دەن اسا تەحنيكا تارتىلعان.
ۇكىمەت باسشىسىنىڭ ورىنباسارى قانات بوزىمباەۆ قۇلسارى قالاسىندا تۇرعىندارمەن كەزدەسىپ, مەملەكەت تاراپىنان تۇرعىنداردى قولداۋ شارالارىنىڭ ماڭىزى تۋرالى ايتىپ بەردى. بيىل كوكتەمدەگى سۋ تاسقىنىنان زارداپ شەككەندەرگە سالىنعان تۇرعىن ءۇيدىڭ ساپاسىنا نازار اۋداردى.
ال ماحامبەت اۋدانىندا جايىق وزەنىنىڭ بويىنداعى جاعالاۋدى نىعايتۋ جۇمىسى قولعا الىنعان. باتىر اتىنداعى اۋداننىڭ ورتالىعى – ماحامبەت اۋىلىندا 4,5 شاقىرىمعا سوزىلعان جاعالاۋ نىعايتىلعان. ماحامبەت پەن سارىتوعاي اۋىلدارى ارالىعىنداعى كوپىر قۇرىلىسى اياقتالدى. تۇرعىندار اۋىل ىشىندەگى جولدىڭ جوندەلىپ جاتقانىن كورىپ وتىر.
اتىراۋ قالاسىنىڭ ماڭىنداعى تالعايران, اقجار جانە ەركىنقالا اۋىلدارىندا دا جايىق وزەنىنىڭ جاعالاۋىندا قورعانىس بوگەتى سالىنىپ جاتىر. ال المالى اۋىلىنىڭ تۇسىندا سارىوزەك كانالىنىڭ بويىنداعى 5,6 شاقىرىم بوگەت نىعايتىلىپ, جايىق وزەنىنىڭ جاعالاۋىندا ۇزىندىعى 2,5 شاقىرىم جاڭا بەكىتكىش ورناتۋ جۇرگىزىلىپ جاتىر.
وبلىس اكىمى سەرىك شاپكەنوۆتىڭ ايتۋىنشا, گوگول كانالىنىڭ ارناسىن تازارتۋ, سۋ اعىنىن ۇلعايتۋ ءۇشىن كەڭەيتۋ جالعاسىن تاۋىپ وتىر. ويتكەنى بۇل – تاسقىن سۋدىڭ كاسپي تەڭىزىنە قۇيىلۋىنا جول اشاتىن نەگىزگى كانالدىڭ ءبىرى. ونىڭ ۇزىندىعى – 30 شاقىرىم, ەنى – 18 مەتر, ال تەرەڭدىگى – 2 مەتر. قازىر كانالدىڭ 9,5 شاقىرىمىندا تەرەڭدەتۋ جۇمىسى اتقارىلعان. سونداي-اق كوكتەمنەن بەرى جايىق وزەنىنىڭ كاسپي تەڭىزىنە ساعاسىن تەرەڭدەتۋ جۇمىستارى جۇرگىزىلىپ جاتىر. جوسپارلانعان جۇمىستىڭ جالپى ۇزىندىعى 10 شاقىرىم بولسا, وسى كەزگە دەيىن 9,5 شاقىرىمى تەرەڭدەتىلگەن.
ق.بوزىمباەۆتىڭ ايتۋىنشا, مەملەكەت باسشىسىنىڭ تاپسىرماسىمەن سۋ تاسقىنىن بولجاۋ مەن مودەلدەۋدىڭ جاڭا جۇيەسى – «Tasqyn» جوباسى ازىرلەنگەن. بۇل جوبانى جىل سوڭىنا دەيىن ىسكە قوسۋ كوزدەلىپ وتىر.
– «قازگيدرومەت» رمك-نىڭ ماماندارى قىس ماۋسىمىنىڭ جىلى بولاتىنىنا بولجام جاسادى. بىراق قار كوپ بولۋى مۇمكىن. سول سەبەپتەن بارلىق قاجەتتى ءىس-شارا الدىن الا جاسالۋى كەرەك. بولۋى ىقتيمال ستسەناريدىڭ ءبارىن ەسكەرۋىمىز قاجەت. وسى ورايدا دايىندىق جۇمىستارىنىڭ قارقىنىن ارتتىرعان ءجون. اسىرەسە مەردىگەر مەكەمەلەردىڭ ەكى اۋىسىممەن جۇمىس ىستەۋىن ۇيىمداستىرىپ, قوسىمشا ادام كۇشى مەن تەحنيكالاردى تارتۋ قاجەت. توتەنشە جاعدايلار مينيسترلىگى بارلىق وڭىردەگى سۋ تاسقىنىنا قارسى ءىس-شارالاردى باقىلاۋعا الادى. اتقارىلعان جۇمىستارعا, دايىندىققا ۇدايى مونيتورينگ جۇرگىزەدى, – دەدى ق.بوزىمباەۆ.
اتىراۋ وبلىسى
