فوتو: الماتى قالالىق اكىمدىگى
ءىس-شاراعا ارداگەرلەر كەڭەسىنىڭ, قالا اكىمدىگىنىڭ, قوعامدىق ۇيىمداردىڭ, ەتنومادەني بىرلەستىكتەردىڭ وكىلدەرى جانە 1986 جىلعى جەلتوقسان وقيعاسىنا قاتىسۋشىلار قاتىسادى.
17 جەلتوقسان كۇنى 1986 جىلعى جەلتوقسان وقيعاسىنىڭ 38 جىلدىعىنا وراي «تاۋەلسىزدىك تاڭى» ەسكەرتكىشىنە گۇل شوقتارى قويىلادى. سالتاناتتى ءىس-شاراعا جەلتوقسان وقيعاسىنا قاتىسۋشىلار, اكىمدىك وكىلدەرى جانە قالا جاستارى قاتىسادى. جينالعاندار قازا تاپقانداردى ءبىر مينۋت ۇنسىزدىكپەن ەسكە الىپ, ءدىن وكىلدەرى قۇران باعىشتايدى.
سونداي-اق مەرەكەلىك ءىس-شارالار قالانىڭ اۋدانىندا وتەدى.
المالى اۋدانىندا 13 جەلتوقساندا «Ten Qogam» ورتالىعىندا جانە چايكوۆسكي اتىنداعى الماتى مۋزىكالىق كوللەدجىندە جەلتوقسان وقيعاسىنا ارنالعان كونتسەرتتەر وتەدى.
بوستاندىق اۋدانىندا 15 جەلتوقساندا ساعات 16:00-دە اۋداندىق كوميۋنيتي ورتالىعىندا «تاۋەلسىزدىك – ماڭگىلىك ەلدىڭ تۇعىرى» تاقىرىبىندا دوڭگەلەك ۇستەل وتەدى. 16 جەلتوقساندا ساعات 18:00-دە Mega Alma-Ata ساۋدا ورتالىعىندا نۇرعيسا تىلەنديەۆ اتىنداعى «وتىرار سازى» اكادەميالىق مەملەكەتتىك فولكلورلىق-ەتنوگرافيالىق وركەسترىنىڭ كونتسەرتى بولادى.
مەدەۋ اۋدانىندا 13 جەلتوقساندا ساعات 11:30-دا ب.مومىش ۇلى اتىنداعى №131 مەكتەپ-ليتسەيىندە «بابالارىم اڭساعان – تاۋەلسىزدىك» اتتى كەزدەسۋ وتەدى.
تۇركسىب اۋدانىندا 13 جەلتوقساندا اۋداننىڭ بەلسەندى ۇزاق ءومىر ءسۇرۋ ورتالىعىندا زەينەتكەرلەرگە ارنالعان كونتسەرت وتەدى. 14 جەلتوقساندا اۋداندىق كوميۋنيتي ورتالىعىندا جەلتوقسان وقيعاسىنا قاتىسۋشىلار مەن جاستاردىڭ قاتىسۋىمەن «ارداگەرلەردى ارداقتايىق!» اتتى دوڭگەلەك ۇستەل وتەدى.
ناۋرىزباي اۋدانىندا 13 جەلتوقساندا ساعات 11:00-دە شۇعىلا شاعىن اۋدانى 347/4 مەكەنجايىنداعى يننوۆاتسيالىق شىعارماشىلىق ورتالىعىندا «تۇعىرى بيىك – تاۋەلسىزدىك» اتتى كونتسەرت وتەدى.
اۋەزوۆ اۋدانىندا 13 جەلتوقساندا ساعات 11:00-دە الماتى تەحنولوگيالىق كوللەدجىنىڭ اكت زالىندا «تاۋەلسىزدىك تىنىسىڭ, بۇگىنگى داۋلەتىڭ, ەرتەڭگى ىرىسىڭ» اتتى كونتسەرت وتەدى. سونىمەن قاتار اۋداننىڭ كوميۋنيتي ورتالىعىندا تاۋەلسىزدىك كۇنىنە ارنالعان فلەشموب ۇيىمداستىرىلادى.
جەتىسۋ اۋدانىندا 13 جەلتوقساندا ساعات 14:00-دە №193 مەكتەپ ۇجىمىنىڭ قاتىسۋىمەن مادەنيەت ۇيىندە «تاۋەلسىزدىك – تۇعىرىم» اتتى مەرەكەلىك كونتسەرت وتەدى.
اي بويى قالاداعى بارلىق ءبىلىم بەرۋ مەكەمەسىندە جەلتوقسان وقيعاسىنا ارنالعان اشىق ساباقتار, كونفەرەنتسيالار مەن كەزدەسۋلەر وتكىزىلەدى.
