بايقاۋدىڭ ەرەجەسى بويىنشا وقۋشىلار الدىمەن شەشەندىك ءسوزدى اعىلشىن تىلىنە اۋدارىپ جىبەردى. ونى بىرنەشە ساراپشى الدىن الا قارادى. 2-كەزەڭدە قاتىسۋشىلار بايقاۋعا ۇسىنعان عيبراتتى اڭگىمەنى اۋەلى قازاق تىلىندە قاتەسىز, ساۋاتتى, مانەرلەپ جاتقا ايتىپ بەردى. ودان كەيىن ساراپشىلار اۋدارمامەن الدىن الا تانىسىپ, وقۋشىنىڭ ايتۋ شەبەرلىگىنە ءمان بەردى. سوعان ساي جۇلدەلى ورىندار انىقتالدى.
قىسقاسى, سايىستى باعالاۋشىلار قاتىسۋشىلاردىڭ شەشەندىك سوزدەردى ءتۇسىنۋ دەڭگەيىنە, اۋدارمانىڭ تۇپنۇسقاعا جاقىندىعىنا, ساپاسى مەن ايتۋ شەبەرلىگىنە, ساۋالدارعا قازاقشا, اعىلشىنشا جىلدام جانە ساۋاتتى جاۋاپ بەرۋىنە ماڭىز بەردى. جوبا اۆتورى, رەسپۋبليكالىق اباي مەكتەبىنىڭ «شەشەندىك ونەر» ءپانىنىڭ مۇعالىمى, ء«دىلمار» شەشەندىك ونەردى دامىتۋ كلۋبىنىڭ نەگىزىن قالاۋشى, جۋرناليست جارقىن سالەن ۇلىنىڭ ايتۋىنشا, بايقاۋدىڭ باستى ماقساتى – بابالار مۇراسىن ءوزى جەتە, تەرەڭ تۇسىنە وتىرىپ, ونى اعىلشىن تىلىندە ساۋاتتى ناسيحاتتاي الاتىن جاڭا بۋىندى قالىپتاستىرۋ.
سايىستىڭ اشىلۋىندا ءسوز العان اباي اتىنداعى رەسپۋبليكالىق مامانداندىرىلعان مەكتەپ-ينتەرناتىنىڭ ديرەكتورى جەڭىسكۇل تەمىرحانقىزى سايىستىڭ ماڭىزىنا توقتالىپ, قاتىسۋشىلارعا جىلى لەبىزىن ءبىلدىردى. سونداي-اق تانىمال كاسىپكەر, «Assyltas» قوعامدىق قورىنىڭ قۇرىلتايشىسى دۋلات تاستەكەي قازاق بي-شەشەندەرىنىڭ دانالىق سوزدەرىندە قانشاما عيبرات الار تاعىلىمدى وي جاتقانىن ايتىپ, وقۋشىلاردى شابىتتاندىردى.
سونىمەن, بايقاۋ قورىتىندىسى بويىنشا باتىس قازاقستان وبلىسىنداعى اباي مەكتەبىنىڭ وقۋشىسى گ ۇلىم مۇباراك توپ جارىپ, ءبىرىنشى ورىندى يەلەندى. ەكىنشى ورىن – رەسپۋبليكالىق اباي مەكتەبىنىڭ وقۋشىسى ايسىمبات تاقىلبەكقىزى مەن شىمكەنت قالاسىنداعى 90-گيمنازيانىڭ وقۋشىسى
البينا بەردىحانعا بۇيىردى. ال قالعان 6 وقۋشى ءۇشىنشى ورىندى قاناعات تۇتتى. سايىسقا م.اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ دوتسەنتى, PhD نۇرلىبەك سرايىل ۇلى قولداۋ كورسەتتى. جوبا اۆتورى كەلەر جىلى قولداۋشىلار مەن دەمەۋشىلەر تابىلسا, بايقاۋدى جالپى رەسپۋبليكالىق دەڭگەيدە وتكىزۋگە نيەتتى ەكەنىن جەتكىزدى.
