اتاپ ايتساق, ورداباسى مەن ماقتاارال اۋدانىندا - 5 اۋىل, كەلەستە - 4 اۋىل, سايرامدا - 3 اۋىل, قازىعۇرت, تولەبي, ساۋراندا - 2 اۋىل, وتىرار, جەتىساي, ارىستا ءبىر اۋىل تۇرعىندارى سپيرتتىك ىشىمدىك ساتۋدان باس تارتقان.
ماسەلەن, ساۋران اۋدانىنىڭ نۇرتاس ەلدى مەكەنىندە 1835 ادام تۇرادى. اۋىلدا ءبىر مەكتەپ, ەكى بالاباقشا بار. تۇرعىندارعا ءۇش دۇكەن قىزمەت ەتەدى. اۋىل تۇرعىندارى قۇرت پەن مايىن دايىنداپ, مال شارۋاشىلىعىمەن اينالىسادى. ءتورت ت ۇلىكتى تىرشىلىك ەتكەن اۋىلدىڭ قايماعى بۇزىلماعان. اقساقالدار جاستارعا ۇلگى-ونەگەسىن كورسەتسە, جاستار العان ءتالىم-تاربيەسىن ۇشتاستىرىپ, اۋىلدى كوركەيتۋ باعىتىندا جۇمىس ىستەپ كەلەدى. «اتادان مال قالعانشا, تال قالسىن» دەگەندى ۇستانعان مۇنداعى حالىق اعاش ەگۋ, سەنبىلىككە شىعۋ سىندى ىستەردى جاسى دا, كارىسى دە بىرلەسىپ اتقارۋدى داستۇرگە اينالدىرعان.
وسى رەتتە اۋىل تۇرعىندارى تىنىشتىق پەن ءتارتىپتىڭ ساقتالۋىندا ۋچاسكەلىك پوليتسيا ينسپەكتورلارىنىڭ ەڭبەگى كوپ ەكەنىن العا تارتىپ, العىستارىن ءبىلدىردى.
ال ۋچاسكەلىك پوليتسيا ينسپەكتورلارى اۋىلداعى ءاربىر ءۇيدىڭ جاعدايىمەن قانىعىپ, كۇندەلىكتى جۇمىس جۇرگىزىپ وتىرادى. سونىڭ ناتيجەسىندە جوعارىدا اتالعان 30-عا جۋىق اۋىلدا سوڭعى بىرنەشە جىل قاتارىنان قىلمىس تىركەلمەگەن. وسى رەتتە پوليتسيا مەن قوعام بىرلەسە ىزگىلىككە بەت بۇرعان اۋىلدار قاتارىن كوبەيتىپ, قىلمىسسىز قوعام قۇرۋ جۇمىستارى جالعاسا بەرەدى.
