وسىنداعى «بوبەك بولەۋ» ولەڭىنىڭ تاربيەلىك ماڭىزى وتە زور. قازىر انىمەن ايتىلىپ ءجۇر. شىعارما 1926 جىلى جازىلعان. ولەڭنىڭ ويى – تەرەڭ, ورنەگى – وزگەشە. انا بوبەگىن حالىق ۇعىمىنداعى ەڭ جاقسى نارسەلەردىڭ بارىنە تەڭەيدى. سابيىنە دەگەن ىستىق سەزىمى, ەلجىرەگەن جۇرەگى, شەكسىز ماحابباتى بايقالادى.
ء«بول-ءبول بوبەك, ءبول بوبەك.
بورىدەن بوستەك كي بوبەك.
ەرىنبەي ەڭبەك ەتەتىن,
ەلىڭە بول ەلگەزەك.
بوگەلمەي ءبىلىم, ءبىل, بوبەك.
بىلمەگەن ءبىلىم بەكەرسىڭ,
بەت الدىڭا كەتەرسىڭ.
ەلگە ەستى ەر كەرەك.
ەر جەت, ەسەي ەرتەرەك».
بالاسىن بەسىككە بولەگەن انا سابيىنە قوياتىن وسىنداي تالابىن ولەڭ ەتىپ, ونىمەن ەرەكشە ىلتيپاتپەن تىلدەسەدى. الدىمەن ء«تورت ەسىكتى بەدەرلى بەسىگىنە – ءوز وتاۋىنا» ەنۋىن وتىنسە, سوسىن اناسى بالاسىنىڭ ساۋساقايىن, سالبىراعان قوس بىلەگىن تاماشالايدى. بولەگەندە جونگە كونۋىن, تىلالعىش بولۋىن تالاپ ەتەدى. بالانىڭ «قوس جۇلدىزىن» جۇمىپ, جاقسىلاپ دەمالۋىن, ۇيىقتاعاننان كەيىن ەرتە تۇرۋعا ۇيرەنۋدىڭ دە پايداسى زور ەكەنىن ەسكەرتەدى. اقىن اۋىز ادەبيەتىندەگى كلاسسيكالىق ءداستۇردى ارى قاراي دامىتادى. «بوگەلمەي ءبىلىم, ءبىل بوبەك, ەلگە ەستى ەر كەرەك» دەپ ءوز زامانىنىڭ بوبەكتەرىنە ءتىل قاتادى. ۇرپاقتان ۇرپاققا جاراسىمدى جالعاسىپ كەلە جاتقان «بەسىك جىرى» نەگىزىندە جازىلعان ولەڭدە بالاعا ءسابي شاقتان سەزىمدىك تاربيە بەرۋ مىندەتى كوزدەلەدى.
ەندى, مىنە, وسىنداي تاربيەلىك ءمانى زور ولەڭ ءان ۇلگىسىندە ايتىلىپ, قىتاي حالقىنىڭ ساحناسىندا ورىندالىپ جۇرگەنىن حابارلاعىمىز كەلەدى.
جاقىندا ءىلياس جانسۇگىروۆ ادەبي مۋزەيىنە قىتاي حالىق رەسپۋبليكاسى, تارباعاتاي ايماعى, شاۋەشەك قالاسى, تولى اۋدانىنىڭ تۇرعىنى, شىڭجان جازۋشىلار قوعامىنىڭ مۇشەسى, شىڭجان كومپوزيتورلار وداعىنىڭ بەدەلدى كومپوزيتورى دۋمانگۇل مۇراتجانقىزى كەلىپ قايتتى. قىتايدا قولىنا ءىلياس جانسۇگىروۆتىڭ 1926 جىلى جارىق كورگەن «بوبەك بولەۋ» (انا جىرى) ولەڭى جازىلعان ەسكى گازەت تۇسەدى. گازەتتىڭ جوعارعى بولىگى جىرتىلعاندىقتان, ولەڭنىڭ اتى بەلگىسىز, تەك ولەڭ سوزدەرى مەن سوڭىندا ء«ى.جانسۇگىروۆ» دەپ جازىلعانىن كورەدى. اقىننىڭ ولەڭى ۇناعانى سونشا, كومپوزيتور ءان شىعارادى. انگە «انا جىرى» دەپ ات قويادى. كەيىننەن ولەڭدى قىتايدا جاريالاپ, ساحناعا شىعىپ ورىنداپ, ۇلكەن ماراپاتقا يە بولادى. الماتى قالاسىنداعى تۋعان-تۋىستارىنا كەلگەندە, تالدىقورعان قالاسىنا ارنايى ات باسىن بۇرىپ, ءى.جانسۇگىروۆ ادەبي مۋزەيى بار ەكەنىن ەستىپ, شىعارعان ولەڭىن سونىڭ قورىنا تابىستاپ كەتتى.
ءتىپتى قىتاي ساحناسىندا ورىندالىپ جۇرگەن «بوبەك بولەۋ» ءانىن ەل اراسىندا دا كەڭ تاراتساق دەگەن ويىمىز بار. سەبەبى ولەڭ تەك بالانى الديلەپ, ۇيىقتاتۋ ماقساتىن كوزدەمەيدى. بالاعا ۇلتتىق ءتالىم-تاربيە, اتا-اناعا قولعانات بولۋ, ەلدىڭ ەرتەڭى بولار ازاماتقا اينالۋدى كىشكەنتايىنان قۇلاعىنا ءسىڭىرۋ كەرەك ەكەنىن جەتكىزەدى. ءاربىر جاس انا اقىننىڭ «بوبەك بولەۋ» ولەڭىمەن ءسابيىن الديلەپ بەسىككە بولەسە, ۇمىت بولىپ بارا جاتقان سالت-ءداستۇرى جاڭعىرىپ, دارىپتەلەدى دەپ قابىلدار ەدىك. سەبەبى بەسىككە جاتىپ, بەسىك جىرىن تىڭداپ وسكەن قازاق بالاسىنان دەنساۋلىعى مىقتى, يبالى, تاربيەلى, انا سۇتىمەن دارىعان ۇلتتىق بولمىستى ساقتايتىن ۇرپاق قالىپتاسادى دەپ ويلايمىز. ءىلياس اتامىزدىڭ ءار ولەڭىنىڭ بولاشاق جاستار ءۇشىن تاربيەلىك ءمانى جوعارى.
ايدا قۇنانبايقىزى,
ءى.جانسۇگىروۆ ادەبي مۋزەيىنىڭ اعا عىلىمي قىزمەتكەرى
